Վիրտուալ աշխարհ. Հնարավորություններ ու մարտարհրավերներ (17)
Մարտ 27, 2018 12:10 Asia/Tehran
Նախորդ հաղորդման ընթացքում խոսեցինք այն մասին, թե օգտատերերը համացանցից օգտվելու ինչ դրդապատճառներ ունեն:Այսօր կշարունակենք մեր զրույցը այդ կապակցությամբ:
Ներկա աշխարհում, ցանկացած պահի, օր ու գիշեր, համացանցը մտնում է մարդկանց, հասարակության, ընտանիքների կյանք, գրավելով մարդկանց ժամանակն ու միտքը: Համացանցը շատ մարդկանց խանգարում է նույնիսկ ուտել, խմել, քնել կամ զբաղվել իրենց առօրյա գործերով: Համացանցից կտրվելը շատ շատերի համար դժվար է, քանի որ համացանցից կախվածությունը վերածվել է համաճարակի: Watts Up, Viber , Telegram, Tango , Vay Chat , Facebook , Twitter , Google Plus YouTube և Instagram-ն այսօր համացանցի ամենահայտնի ու տարածված սոցիալական ցանցերն են և տարբեր դրդապատճառներով, ներգրավել են հարյուրավոր միլիոն օգտատերերի: Աշխարհում համացանցի տարծաման և այնտեղ մարդկանց անհրաժեշտ մեծ թվով նյութերի առկայության արդյունքում, ինտերնետի տրամադրած հնարավորություններից օգտվելը շատ մարդկանց, խմբերի ու կազմակերպությունների համար դարձել է անհրաժեշտություն: Այսօր, մարդկանց առօրյա շատ հարցերի լուծումն առանց ինտերնետից օգտվելու, շատ դժվար է:
Ընդհանուր առմամբ, վիրտուալ աշխարհը տալիս է հաղորդակցվելու, տեղեկատվություն ստանալու, տարբեր ծառայություններից օգտվելու, գիտելիք ձեռք բերելու, առողջապահական ինֆորմացիա ստանալու, էկելտրոնային կառավարման ու տարբեր զվարճանքների հնարավորություն: Շատ երկրներում համացանցի օգտատերերի գործունեության մեջ ներդաշնակություն գոյություն չունի: Սոցիալական ցանցերից օգտվելու օգտատերերի կարևորագույն նպատակը ընկերական ու բարեկամական կապերի հաստատումն է կամ վերականգնումը: Քանի որ պատանեկան տարիքում ընկերական կապերը շատ կարևոր են և այդ տարիքի հասակակիցներն իրենց օրվա մի մասն անցկացնում են կրթական, մարզական ու ժամանցային վայրերում, կարևոր ազդեցություն թողնելով միմյանց վարքագծերի վրա":
Համացանցից օգտվելու օգտատերերի նպատակներից է բարեկամների ու ընտանիքի անդամների հետ կապերը պահպանելը կամ դրանք հաստատելը: Հետազոտությունները վկայում են, որ սոցիալական ցանցերում երիտասարդների ներկայության նպատակը եղել է միասին որևէ աշխատանք իրականցնելու ուղղությամբ նրանց խրախուսելը: Ուստի սոցիալական ցանցերին անդամակցելու պատճառներցի մեկը պատկանելիությունն է որևէ խմբի: Ցանցային շփումների ժամանակ, չնայած ֆիզիկական տարածությանը, առաջանում է մտերմություն: Ուրեմն կարելի է վստահ լինել, որ հին ընկերները պահպանվում են և նույնիսկ կարող են ավելի մտերմանալ: Դրանցից բացի, օգտատերը հնարավորություն ունի հասարակական շփումներում ընտրել իր տարբերակը, որն անկախ է և դուրս է ծնողների վերահսկողությունից: Սոցիալական ցանցերը ստեղծում են ընկերների հետ միասին կատակելու և ուրախ ժամանց ունենալու հնարավորություն:
Սոցիալական ցանցերը տղամարդկանց ու կանանց մեծ հնարավորություն են տալիս շփվել: Մի քանի տասնամյակ առաջ, կանայք ավելի քիչ էին օգտվում սոցիալական ցանցերից, քան տղամարդիկ: Սակայն վերջին տվյալների համաձայն, որոշ սոցիալական ցանցերում կանանց թիվը գերակշռում է: Ուրեմն պետք է հնարավորությունների կողքին ճանաչել նաև այն վտանգները, որոնք կանանց համար կան համացանցում: Խոցելի կողմերն ու վտանգները ճանաչելով, կարելի է ստեղծել այնպիսի հնարավորություն, որպեսզի կանայք ավելի ապահով օգվտեն սոցիալական ցանցերից, բնականաբար նրանց նախապես տրամադրելով համապատասխան գիտելիքներ:
Հետազոտությունները վկայում են, որ դեռահասների 10-12 տոկոսին մտահոգում են համացանցի վտանգները: Աղջիկների դեպքում այդ վտանգները երբեմն ավելի շատ են: Սակայն չպետք է դրանց պատճառով կանայք կամ աղջիկները հրաժարվեն համացանցից օգտվելուց: Վիրտուալ աշխարհը կարող է դառնալ հնարավորություն, որպեսզի օգտատերերը, հատկապես կանայք, մասնակցեն հասարակական շատ հարցերի քննարկմանը: Համացանցն օգնում է նաև գտնել աշխատանք ու օգտվել նոր հնարավորություններից: Սակայն պետք է շատ ուշադիր լինել, վիրտուալ աշխարհի հնարավորություններն օգտագործելիս:
Վիրտուալ աշխարհը փոփոխության է ենթարկել ընտանիքների հարաբերությունները, սակայն չի կարելի ասել, որ դրանք վերացրել է: Երբեմն համացանցը նույնիսկ պատճառ է դառնում, որպեսզի երեխաներն ու ծնողներն ավելի շատ շփվեն միմյանց հետ: