Իսլամական հեղափոխության մեծարգո առաջնորդի հայեցակետը (Իրանի դեմ ամերիկացիների լկտիությունն ու անամոթությունը)

Իսլամական հեղափոխության մեծարգո առաջնորդn անդրադառնալով վերջին ամիսներին ամերիկացի պատասխանատուների ցուցադրած լկտիությանն ու անպարկեշտությանը, ասաց. «Նրանք նախկինում իրենց հռետորաբանության մեջ չէին հարգում քաղաքական ու դիվանագիտական էթիկան, սակայն ԱՄՆ-ի վարչակազմի ներկա պատասխանատուներն այնպես լկտի, անարգալի ու անպարկեշտ ոճով են խոսում աշխարհի հետ, որ ասես նրանցից խլել են ամբողջ պարկեշտությունը»:

ՆՎ Այոթալլահ Խամենեին անցած երկուշաբթի գիշեր տարբեր խավերի պատկանող հազարավոր քաղաքացիների հետ հանդիպման ժամանակ հիշեցնելով Եմենում սաուդցիների վերջին երկու ոճրագործությունները, այսինքն մեկ հիվանդանոցի և եմենցի երեխաներ փոխադրող ավտոբուսի դեմ հարձակումը և տասնյակ անմեղ ու անապաստան երեխաների սպանությունը, հավելեց. «Այս ոճրագործության ականատեսը լինելով աշխարհի խիղճը ցնցվեց և պետություններն էլ թեկուզ առերես, բայց դրա կապակցությամբ ցավ հայտնեցին»:

«Բայց ամերիկացիներն այդ ոճրագործությունները դատապարտելու փոխարեն անամոթաբար արտահայտվեցին սաուդցիների հետ իրենց ռազմավարական հարաբերությունների մասին և պատճառ դարձան արծարծվի այն հարցը, թե արդյոք ամերիկացի պատասխանատուներն իրոք մարդ են»,-ընդգծեց Իսլամական հեղափոխության մեծարգո առաջնորդը:

Իսլամական հեղափոխության մեծարգո առաջնորդը միգրանտ լինելու պատճառով շուրջ երկու հազար երեխաների իրենց ծնողներից բաժանելն ու նրանց վանդակներում պահելն աննախընթաց ոճրագործություն անվանեց և հավելեց. «Խորհելու արժանի կետն այն է, որ ամերիկացիներն առանց որևէ ամոթ զգալու այդ ամբողջ ոճիրները գործում են աշխարհի ժողովուրդների հայացքների առջև»:

Իրանի հետ Թրամփի վարչակազմի թշնամությունը

Դոնալդ Թրամփի գլխավորությամբ ԱՄՆ-ի գործող վարչակազմը ցուցադրում է Իրանի դեմ թշնամության գագաթնակետը և այս ճանապարհին անիրական խնդիրներ առաջ քաշելուց չի վարանում: Ամերիկացի պետայրերն այն պայմաններում են բոլոր շրջանակներում ԻԻՀ-ի դեմ մեղադրանքներ ներկայացնում, երբ իրենք ու իրենց դաշնակիցներն մեղադրանքների վառ մարմնացումն են: Դոնալդ Թրամփը մի առ ժամանակ մեկ Թուիթերում կատարած գրառումների միջոցով իր ենթադրությամբ ԻԻՀ-ին տարածաշրջանում վտանգավոր ռեժիմ է ներկայացնում և բոլոր ճնշումները գործադրում է Իրանի վարքագծում փոփոխություն առաջացնելու համար: Տարածաշրջանում ահաբեկչության հանդեպ աջակցությունը, մարդու իրավունքների ոտնահարումը, այլ երկրների ներքին հարցերին միջամտելը և իր քաղաքականություններով տարածաշրջանի կայունության խաթարումը լավապես բնութագրում են Իրանի դեմ ԱՄՆ-ի գործող վարչակազմի վարքագիծը, որը նկատի առնելով տարածաշրջանում ու աշխարհում տիրող ներկա իրողությունները համարվում է ամերիկացի պատասխանատուների կողմից անամոթության ու լկտիության ցուցադրման մարմնացումը: ԱՄՆ-ում համալսարանի դասախոս պրոֆ. Աքբար Մոնթասերը «Վեթերանզ Թուդեյ» ինտերնետային կայքում հրապարակված հոդվածում գրում է. «Ամերիկացիներից շատերը քննադատում են Իրանի իշխանական համակարգը, սակայն նրանց մեծ մասը համաձայն չէ Իրանի դեմ ԱՄՆ-ի պետքարտուղար Մայք Պոմպեոյի հռետորաբանությանը: Պոմպեոն Իրանի մասին արտահայտվելիս ներկայացնում է ԱՄՆ-ի դաշնակից երկրների, այսինքն Սաուդյան Արաբիայի ու Էմիրությունների ահաբեկիչ ղեկավարների տեսակետը:

ԱՄՆ-ի ներկա պետայրերն այն պայմաններում են ի տես աշխարհի Իրանին մեղադրում ահաբեկչությանն աջակցելու և տարածաշրջանում անկայունություն ստեղծելու մեջ, երբ այսօր աշխարհի տարբեր կողմերում ոճրագործություն կատարողների հետ  նրանց ընկերակցությունը որևէ մեկի համար թաքուն չէ: Պաղեստինցի երեխաների սպանելու և պաղեստինցիներին տարագրելու հարցում սիոնիստներին ցուցաբերված ամերիկացիների լիարժեք աջակցությունը և Եմենի պատերազմում Սաուդյան ռեժիմի կողքին կանգնելը համարվում  են ամերիկացիների լկտիության գագաթնակետը, ովքեր առանց քաղաքական նկատառումների, ի տես աշխարհի պաշտպանում են երկու ատելի ռեժիմներին: Դիվանագիտական նորմների հանդեպ ԱՄՆ-ի գործող վարչակազմի անտարբերությունն ու համաշխարհային զարգացումների հետ կապված իրողությունների հանդեպ նրանց մոտեցումը վկայում են այն մասին, որ նրանք մարդու իրավունքները ոտնահարելու կապակցությամբ որևէ մտահոգություն չունեն և միևնույն ժամանակ բռնի ուժի լեզվով են խոսում ուրիշների հետ: Թրամփի վարչակազմի քաղաքականությունը ընչաքաղցության մեջ արմատ ունեցող բռնապետական վարքագծի դրսևորում ունի և հենց այս կողմնորոշումն էլ համարվում է աշխարհում բոլոր բարդությունների հիմնաքարը: Այս կապակցությամբ Հարվարդ համալսարանի միջազգային հարաբերությունների դասախոս Ստեֆան Վալթը մի վերլուծության մեջ գրել է. «Այլ երկրներում ԱՄՆ-ի ներկայությունը շարունակ ընկերակցվել է խռովությամբ, ծայրահեղականությամբ ու արդիական բռնապետությամբ»: Հարվարդ համալսարանի միջազգային հարաբերությունների դասախոսը «Ֆարին Փալիսի» ամերիկյան պարբերաթերթում հրապարակած հոդվածում ընդգծել է. «Թռուցիկ հայացք նետելով Միջին Արևելքում ԱՄՆ-ի վարած քաղաքականությանը պարզվում է, որ ԱՄՆ-ի ներազդեցության կրճատումը որևէ մտահոգություն չի կարող առաջացնել, քանի որ աշխարհի որ անկյունում որ նկատվում է ԱՄՆ-ի ոտնահետքը, բռնարարքներ, ծայրահեղականություն ու արդիական բռնապետություն գոյություն ունեն»:

Իսրայելի հանդեպ Թրամփի վարչակազմի հնազանդությունը

Շատ փորձագետներ, այդ թվում պրոֆ. Աքբար Մոնթասերը հավատացած են, որ Իրանի դեմ ԱՄՆ-ի վարչակազմի ստահոդությունը իսրայելյան ակունք ունի և այդ ակունքը սարսափելի կերպով ձեռք-ձեռքի է տվել աշխարհի ԶԼՄ-ների հետ: Իսրայելի ռեժիմի հետ սերտ կապեր ունեցող 15 միլիարդատեր սեփականացրել են ԱՄՆ-ի մեդիա-լրատվական ընկերությունները: Սրանք օգտվելով իրենց հարստությունից իրենց ցանկացած ուղղությամբ են առաջնորդում մեդիան: ԱՄՆ-ի նոր-պահպանողականներն Իսրայելի ռեժիմի հավատարիմ ընկերոջ հագուստ կրած դավաճանում են ժողովրդին: «Վեթերանզ Թուդեյ» ինտերնետային կայքը գրում է. «Ամերիկացի-իսարյելցի այս նոր-պահպանողականները ներթափանցել են ԱՄՆ-ի վարչակազմի բոլոր կառույցներն, այդ թվում այդ երկրի տեղեկատվական համայնքը ձևավորող 17 կառույցները»:

Այս իրականությունն ապացուցում է թե սիոնիստներն ինչ չափերով դերակատար են Իրանի հանդեպ  ամերիկացիների լկտի քաղաքականություններում: ՀԳՀԾ-ից ԱՄՆ-ի հրաժարումը պարզ վկայությունն է այն իրողության, որ Դոնալդ Թրամփը լեզվագարություն կատարելով ի վերջո լքեց Իրանի միջուկային միջազգային համաձայնությունը: Սիոնիստների հետ ամերիկացիների նման համընթացությունը, որ գագաթնակետին է հասել Թրամփի վարչակազմի օրոք պատճառ է դարձել, որ Ասիայի արևմտյան տարածաշրջանում ահաբեկիչների պարագլուխներն էլ լկտիաբար դիրքորոշվեն Իրանի դեմ: Նույն շրջագծում կարելի է գնահատել դեպի Իրանի դեմ Իսրայելի ռեժիմի և որոշ արաբների առանցքայնությամբ կոալիցիայի կողմը կատարած Թրամփի շարժումը: Այս կապակցությամբ ամերիկացի պատմաբան ու լեզվագետ Նոամ Չամսկին հավատացած է. «ԱՄՆ-ի վարչակազմի նպատակն է ամրագրել տարածաշրջանում ԱՄՆ-ի հեգեմոնիան վտանգած և բռնության դիմելու հարցում Իսրայելի ազատությունը սպառնալիքի ենթարկած ընդհանուր թշնամու, այսինքն Իրանի դեմ Իսրայելի և արաբական երկրների կոալիցիայի հիմքերը»:

ԱՄՆ-ի քաղաքականությունը՝ բոլոր ճգնաժամերիարմատը

Պատմությունն ապացուցել է, որ ամերիկացիները որ տարածաշրջան էլ որ մուտք են գործել այդտեղ խնդիրները բարդացել են և այս կողմնորոշումը հանգեցրել է անապահովության ու անկայունության: Իրաքի պատերազմը, Սիրիայի պատերազմն ու Եմենի պատերազմն աշխարհին ապացուցեցին, որ այս պատերազմների արմատը գտնվում է ԱՄՆ-ի կայսերապաշտական քաղաքականությունների մեջ և ամերիկացիները դա պատճառաբանելու համար են դիմում հռետորաբանության: Բոլորի համար ապացուցված է, որ ԱՄՆ-ի քաղաքականությունը հանգեցրեց ԻԼԻՊ ահաբեկչական խմբի ձևավորմանը, սակայն ԱՄՆ-ի գործող վարչակազմը լկտիաբար Իրանին մեղադրում է ահաբեկչությունը պաշտպանելու մեջ: Հարվարդ համալսարանի միջազգային հարաբերությունների դասախոս Ստեֆան Վալթը լավապես նկարագրել է ԱՄՆ-ի կործանարար քաղաքականությունը և հավատացած է, որ «տարածաշրջանում ԱՄՆ-ի ներազդեցությունը մինչ այս պահը լիարժեքորեն բացասական արդյունք է ունեցել և ԻԼԻՊ-ի երևան գալն ու հազարավոր մարդկանց զոհվելն Իրաքում ԱՄՆ-ի 2003 թվականի պատերազմի արդյունքներից են»: Ստեֆան Վալթը Եմենի ներկա ճգնաժամն էլ համարում է աշխարհում հումանիտար ամենասոսկալի ճգնաժամը և դրա ձևավորման հարցում դերակատար է համարում այս պատերազմում Սաուդյան կոալիցիայի հանդեպ ԱՄՆ-ի ցուցաբերած հովանավորությունը: