Նորություններ (34)
Ապրիլ 27, 2022 10:38 Asia/Tehran
Շաբաթական եթեր հեռարձակվող «Նորություններ» հաղորդաշարի շրջանակներում, ներկայացնում ենք գիտական, մշակութային, գեղարվեստական, ռազմական ու տնտեսական ոլորտներում Իրանի գրանցած նորագույն ձեռքբերումները։
Այս շաբաթվա «Նորություններ» հաղորդումն սկսում ենք տեխնոլոգիայի ոլորտի հետ առնչվող թեմայով։
Անցյալ շաբաթ իրանական բջջային թերապիայի ոլորտում պատրաստված առաջին արտադրանքը, ներառվել է երկրի դեղերի ցանկում։ Այս արտադրանքն արտադրող «գիտելիքահենք» ընկերության գործադիր տնօրենի խոսքով, մինչ այժմ այս ընկերության զարգացման զամբյուղում ընդգրկված է ընդհանուր առմամբ ավելի քան 50 ապրանք։ Այս դեղամիջոցը պարունակում է մաշկային շերտից ստացված ավտոլոգային ֆիբրոբլաստների (ավտոլոգ) կենդանի բջիջներ, որոնք մաշկի մեջ ներարկվելով շտկում են շուրթերի շուրջ գծերի թերությունը, ինչպես նաև ճակատի մաշկի կնճիռները և աչքերի ու հոնքերի շուրջ առաջացած փոսությունը: Այս դեղը, որն ստացել է GMP հավաստագիր և կլինիկական հետազոտական ուսումնասիրության շրջանն ավարտելուց հետո ձեռք կբերի IRC և կգրանցվի իրանական դեղերի ցանկում:
Ընկերության տնօրենի խոսքով՝ ավտոլոգ ցողունային բջիջը ստացվում է հիվանդի ոսկրածուծից, որը ներհոդային ներարկումով բուժում է ծնկի, դաստակի և կոնքի օստեոարթրիտը։ Այս ապրանքը պարունակում է պորտալարի Wharton գել և մեզենխիմալ ցողունային բջիջների բանկ: Բջջային այս արտադրանքը օտարածին է (ալոգեն) և ունի մեծ ներուժ անբուժելի հիվանդությունների բուժման համար, ինչպիսիք են ուղեղային կաթվածը, ողնաշարի մկանային ատրոֆիան, հյուրընկալողի դեմ փոխպատվաստման հիվանդությունը, ամիոտրոֆիկ կողմնակի սկլերոզը, MS-ը, առաջնային սկլերոզացնող խոլանգիտը, հյուծվածության համախտանիշ Սուր շնչառություն և որպես այլընտրանքային բուժում այնպիսի հիվանդությունների համար, ինչպիսիք են ծնկահոդի օստեոարթրիտը, սրտամկանի սուր ինֆարկտը, 2-րդ և 3-րդ աստիճանի ճարպային լյարդը:
Այս արտադրանքից արտադրվել են տարբեր տեսակի դեղամիջոցներ՝ տարբեր ծավալներով և չափաբաժիններով, և այս ընկերությունը գրանցում է դրա տարբեր ձևերն ու չափաբաժինները իրանական դեղերի ցանկում և ստանում IRC:
Իրանական ստարտափ թիմի հետազոտողներին հաջողվել է նախագծել և արտադրել կիրառական տեխնոլոգիայի խելացի պարկուճ՝ ստամոքս-աղիքային տրակտից բժշկին կանոնավոր հաշվետվություններ ուղարկելու համար: Այս պարկուճը զարգացող տեխնոլոգիա է, որը կարող է օգտագործվել մարդու առողջության ոլորտում բազմաթիվ կիրառությունների հասնելու համար: Այս խելացի պարկուճը հզոր սենսորներ է պարունակում, որոնք մարդու կողմից կուլ տալուց հետո բազմաթիվ առաքելություններ են կատարում նրա ստամոքսում և աղիքներում։ Պարկուճում ներկառուցված սենսորները բժիշկներին հնարավորություն են տալիս հ իրականացնել արմարավետ և անվտանգ ուլտրաձայնային հետազոտություն՝ վերլուծելով աղեստամոքսային տրակտում գազերի ճնշումը՝ ներառյալ ածխաթթու գազը, ջրածինը, թթվածինը և այլ քիմիական միացություններ:
Այս պարկուճի ամենակարևոր գործառույթներից է բջջային հեռախոսներին միանալու և դրան հաշվետվություններ ուղարկելու հնարավորությունը։ Այս ունակությամբ՝ գազերը վերլուծելիս դրանք կարող են տեղեկատվություն և նույնիսկ գիտական հետազոտություններ ստանալ մարսողական միջավայրի վրա սննդի ազդեցության վերաբերյալ և գիտական լուծումներ առաջարկել մարսողական խանգարումների հետ կապված հիվանդությունների բուժման համար: Այս պարկուճի մյուս առանձնահատկությունները ներառում են այնպիսի հիվանդությունների ախտորոշում, ինչպիսիք են գրգռված աղիքի համախտանիշը կամ IBS, աղիների բորբոքային հիվանդությունները և նույնիսկ մահացու դեպքերը, ինչպիսիք են աղիների քաղցկեղը:
Այս խելացի պարկուճը գործարկվում է նաև դեղամիջոցի ժամանակին ներարկման համար։ Այսպիսով, այս պարկուճի մի տեսակը, օգտագործելով 6 մասնատվելու ունակությամբ թևեր, վերացնում է օգտագործողների կողմից դեղամիջոցը որոշակի ժամերին ընդունելու անհրաժեշտությունը և կանխորոշված ժամերին դեղամիջոցի որոշակի չափաբաժին ներարկում է հիվանդի օրգանիզմ: Այս տեխնոլոգիան հասել է այն աստիճանի, որ նույնիսկ օգնության է հասել դիաբետիկներին: Հետազոտողները մշակել են այս պարկուճների մեջ ինսուլին մտցնելու նոր մեթոդ, որը կարող է ստամոքսի միջոցով դեղը տեղափոխվել արյան մեջ, և անհրաժեշտության դեպքում ազատվել օրգանիզմում:
Այս պարկուճներն ունեն միկրոպրոցեսոր, մարտկոց, անլար ռադիոհամակարգ և դեղամիջոցների պահարան՝ որոշակի քանակությամբ դեղամիջոց պահելու համար և ունակ են մարդու մարմնի որոշակի հատվածներում դեղի ցանկալի քանակն ազատելու համար: Որոշ այլ տեսակի պարկուճներ ունեն զգայուն սենսորների ծածկույթ, որոնք ինքնաբերաբար արձակում են դեղամիջոցը մարմնի մեջ, երբ նրանք ստանում են էլեկտրամագնիսական ազդանշան: Արտադրանքն ունի նաև մարմնի ջերմաստիճանը չափելու հնարավորություն, որն անլար համակարգի միջոցով տեղեկատվություն է փոխանցում արտաքին ընդունիչին։
Այս պարկուճների ինտելեկտի մակարդակն այնպիսին է, որ նրանք իրենց սենսորներով չափում են մարմնի թթվայնությունը և այդ քանակին համապատասխան դեղամիջոցը մտնում է օրգանիզմ։ Մարմնի ներսի և դրսի միջև կապի այս համակարգում բժիշկը և հիվանդը կարող են կանոնավոր կերպով վերահսկել պարկուճի գործունեությունը: Դա անելու համար բավական է հավելվածում գրանցել դեղամիջոցների օգտագործման քանակն ու ժամանակը և դրա միջոցով շփվել խելացի պարկուճի հետ։ Յուրաքանչյուր պարկուճի օրգանիզմ մտնելով գրանցվում է նաև դրա մուտքի ժամանակը և Bluetooth-ի միջոցով ուղարկվում բժշկին և հիվանդին։
Այս արտադրանքը մշակվել է Կոնվերգենտ տեխնոլոգիաների կենտրոնի ստարտափ թիմի իրանցի հետազոտողների կողմից:
Անցյալ շաբաթ մենք տեսանք նաև գեղարվեստական որոշ ձեռքբերումներ Իրանից։
«Կալիֆորնիայի ամերիկյան կանանց ֆիլմերի 9-րդ փառատոնի» ժյուրին իր լավագույն արտասահմանյան ֆիլմի համար մրցանակը շնորհեց Սաիդ Դաշտիի և Սահրա Ֆաթհիի «Կինը, որը բանաստեղծ էր» ֆիլմին։ Փառատոնը, որն անցկացվում է հունվարի 7-ից 9-ը Հոլիվուդում, Կալիֆորնիա քաղաքում նվիրված է այն կինոգործիչների ստեղծագործություններին, որոնց պատմությունը պտտվում է կին կերպարի շուրջ կամ նախագծի հիմնական տարրերից մեկը կին է:
Ֆիլմը նախկինում արժանացել էր Մումբայի կարճամետրաժ ֆիլմերի փառատոնի լավագույն դերասանուհի անվանակարգի մրցանակին: Այս ստեղծագործության պրոդյուսերն է Ամիր Հոշանգ Հաշեմին, Pacific United Production’s Canada-ն և Diar Company-ն, իսկ Մեհդի Քամալփուրը ներկա է եղել որպես պրոդյուսերի տեղակալ և ծրագրի ղեկավար: Այս ֆիլմի միջազգային տարածման պատասխանատուն է Միներվա Ֆիլմը։
Հոսեյն Թյուրք Ջուշի «Նաջի» կարճամետրաժ ֆիլմը նաև արժանացել է «Georgian American Festival»-ի երեք մրցանակների՝ լավագույն ռեժիսոր Հոսեյն Թյուրք Ջոշի համար, լավագույն դերասանուհի՝ Մահսա Ղորեյշիին և երկրորդ պլանի լավագույն դերասանուհի՝ Բիտա Ալեմիին։ «Georgian American Festival»-ը՝ սեզոնային մրցույթ և կինոփառատոն է, որ հովանավորվում է The Hollywood Drive In Film Festival ընկերության կողմից։
Մասնակից աշխատանքները գնահատվում և ընտրվում են ժյուրիի կողմից: «Նաջի» կարճամետրաժ ֆիլմն արդեն ցուցադրվել է արտասահմանյան տարբեր փառատոներում, իսկ «Բրյուսելի կարճամետրաժ ֆիլմերի փառատոնում» արժանացել է «Լավագույն դերասանուհի» մրցանակին։ Այս ֆիլմի միջազգային տարածման պատասխանատուն է Film Forward ընկերությունը:
