Ընտելանանք (20)

Լավ կյանքի համար կարևոր է ինչպես ֆիզիկական, այնպես էլ հոգեկան առողջությունը: Ձեր ուզած կյանքն ապահովելու համար երբեմն անհրաժեշտ է փոխել ապրելակերպը: «Ընտելանանք» հաղորդաշարի շրջանակներում միասին փորձում ենք սխալ սովորությունները փոխարինել ճիշտ սովորություններով։

Հարկ է նշել, որ  հաղորդաշարի շրջանակներում  ներկայացված խորհուրդներն ընդհանուր են, և  հնարավոր է, որ դրանցից մի քանիսը  հարմար չլինեն բոլորի համար: Անհրաժեշտության դեպքում  ձեր կենսակերպում փոփոխություններ մտցնելու համար կարող եք խորհրդակցել  ձեր բժշկի կամ խորհրդատուի հետ:

Ողջույն Ձեզ սիրելի ունկնդիրներ։ Եթե հիշում եք, նախորդ հաղորդման ընթացքում խոսեցինք երեխաների հաղորդակցման հմտությունների մասին:Այս հաղորդման ընթացքում մենք կքննարկենք աշխատավայրում հաղորդակցման հմտությունները:Մնացեք մեզ հետ:

Աշխատավայրում հաղորդակցվելու հմտությունները ամենակարևոր և գործնական հմտություններից են, որոնց յուրաքանչյուր մարդ պետք է տիրապետի,որովհետև այս հմտությունն ունենալը կարևոր դեր է խաղում մարդկանց կյանքի զարգացման գործում:Աշխատանքային միջավայրում առաջընթացը, աշխատանքային զարգացումը  և արդյունքում եկամուտների ավելացումը լիովին ազդում են մարդու կյանքի մակարդակի վրա։

Փորձառությունը  և տեխնիկական հմտությունները անհրաժեշտ են ցանկացած աշխատանքում հաջողության հասնելու համար, սակայն հասարակայնության հետ կապերը կամ այլ կերպ ասած՝ հաղորդակցման հմտությունները նույնպես կարևոր դեր են խաղում աշխատանքի հաջողության համար։Հաղորդակցության  ոլորտում գրող  և խորհրդատու Դեյվիդ Փարնելի կարծիքով՝ հաղորդակցվելու կարողությունը նշանակում է «տարբեր հատկություններ ունենալ, որոնք հնարավորություն են տալիս մարդուն լավ շփվել և կապ հաստատել ուրիշների հետ»:Նրա կարծիքով՝ «երբեմն այդ հատկությունները ամփոփվում են «սիրելի լինելու» կամ «լավ բնավորություն ունենալու» երկու հատկանիշների մեջ։Բայց այս երկու հատկանիշներն ունենալու համար մեր մեջ պետք է այլ հատկանիշներ էլ ձեւավորվեն, որպեսզի, ի վերջո, դա հիմք դառնա արդյունավետ եւ կառուցողական հաղորդակցություն հաստատելու համար»։

Ուստի յուրաքանչյուր մարդ աշխատանքային հարաբերություններ հաստատելու և աշխատանքային միջավայրում հաղորդակցության մակարդակը բարելավելու համար կարիք ունի  մի շարք նախադրյալների և պետք է հարգի դրանք: Փոխադարձ հարգանքը կարևորագույն սկզբունքներից մեկն է, որն անհրաժեշտ է ոչ միայն աշխատավայրում հաղորդակցվելու համար, այլև մեր բոլոր կապերի  համար:Միշտ անհրաժեշտ է նկատի առնել այն հանգամանքը ,որ մեր դիմորդը ինչ մակարդակում էլ որ լինի  նա ,մի մարդ է և մենք պարտականություն ունենք հարգել նրան և նա ևս պարտականություն ունի փոխադարձաբար հարգել մեզ:Եթե ​​մենք ավելի բարձր պաշտոն ունենք, երբեք չպետք է ոտնահարենք մարդու արժանապատվությունն ու հարգանքը՝ հանուն ավելի բարձր պաշտոնի ,իսկ եթե մենք աշխատում ենք ինչ-որ մեկի համար, ապա պետք է իմանանք մեր մարդկային  իրավունքները և թույլ չտանք, որ մեր հարգանքն ու պատիվը կասկածի տակ դրվի մանրուքների պատճառով։

Բարեկիրթ լինելը ևս մեկ նախապայման է, որը մենք պետք է պահպանենք աշխատավայրում,քանի որ մարդիկ ավելի լավ են  ընդունում նրանց, ովքեր քաղաքավարի են:Հույժ կարևոր է նաև արժանապատվությունը: Մեզանից յուրաքանչյուրն  ըստ իր կյանքի անցած ուղուն, ունի համոզմունքներ, հավատալիքներ  ու կարմիր գծեր։Մենք երբեք չպետք է ուրիշներին պարտադրենք որ մեր նպատակների իրականացման համար ,ոտնատակ դնեն  դրանք: Աշխատանքային միջավայրում շփումը և աշխատանքային հարաբերությունների ստեղծումն իրականանում  են միմյանց սահմաններն ու համոզմունքները հարգելով:Նաև, արդյունքի կողմնորոշումը նույնպես կարևոր է, այս արդյունքը կարող է լինել երկարաժամկետ կամ կարճաժամկետ:Փաստորեն, աշխատանքային միջավայրում կապ հաստատելու  և հաղորդակցվելու մեր նպատակը հետևյալն է,որ  կարողանանք ստանալ այնպիսի արդյունք, որը կհանգեցնի  մեր անհատական ​​զարգացմանը և ընկերության աշխատանքային առաջընթացին և դիրքի բարձրացմանը:

Ըստ Պարնելի, քանի որ մարդկանց աշխարհայացքը և հարցերի վերաբերյալ նրանց ըմբռնումը տարբերվում է մեզանից, մենք պետք է խուսափենք մեր խոսքի մեջ իմաստային անորոշություններից։Մարդիկ, ովքեր տեղյակ են հաղորդակցության սկզբունքներին, իրենց խոսքը թափանցիկ դարձնելով խուսափում են իրենց խոսքի անորոշությունից:Հաղորդակցման հմտությունների հաջորդ կետը հանդուրժողականությունն է: Երբ համբերատար  եք ուրիշների նկատմամբ, համբերատարություն եք դրսևորում նրանց նկատմամբ և սթրեսային պայմաններում  լավապես կարողանում եք պահպանել ձեր սառնասրտությունը,այսպիսով, դուք կարողանում  եք հարգել հաղորդակցման հմտությունների հիմնասյուներից մեկը: Դուք նույնպես հաջողակ կլինեք ձեր աշխատանքում, երբ վստահելի լինեք և ապահովության զգացում ստեղծեք ձեր դիմորդների մոտ:Այն հանգամանքը ,որ իմանաք երբ և ինչպես դրսևորել ձեր կարեկցանքը, հաղորդակցման ևս մեկ հմտություն է, որը կարող է օգնել ձեզ՝ հաջողության հասնել աշխատավայրում:

Ինչքան էլ խոսենք մարմնի լեզվի կարևորության մասին, դա դեռ բավարար չէ:Հարաբերությունների մեծ մասի վրա ազդում է մարմնի լեզուն, և այս ունակությունը հաղորդակցման ամենակարևոր հմտություններից մեկն է:Իրականում, նույնիսկ երբ մենք չենք խոսում մարդկանց հետ, մենք շփվում ենք նրանց հետ։Նմանապես, երբ ձեր գործընկերը խոսում է ձեզ հետ, ուշադրություն դարձրեք նրա ձեռքերի և աչքերի շարժումներին:Անհրաժեշտ է նաև ,որ  աշխատավայրում զարգացնեք ձեր հաղորդակցման հմտությունները՝ լսելով և խոսելով:Լավ լսեք, թե ինչ է ասում Ձեր  դիմացինը։Նկատի ունեցեք որ լսելը ,չի նշանակում միայն ունկնդրել դիմացի կողմի բառերը,իրականում լսելը դիմացինի տեսակետն ու սպասելիքները հասկանալն ու ընկալելն է։

Հումորը հաղորդակցման ևս մեկ հմտություն է, որը շատ օգտակար է ուրիշների հետ շփվելու համար:Մարդը, ով չի սիրում ծիծաղել, կավելացնի լարվածությունը և կոնֆլիկտը:Երբ հումորով նվազեցնում եք աշխատանքային ճնշումը, իրականում հասել եք ձեր  աշխատանքի առաջընթացի գործոններից մեկին։Աշխատավայրում երջանիկ լինելը ձեր շփումն ավելի արդյունավետ է դարձնում։Նաև, երբ լավ ենք ճանաչում մեր զրուցակցին, մեր խոսքը հարմարեցնում ենք նրա պայմաններին:Այս հմտությունը ,այսինքն զրուցակցին ճանաչելը, շատ տարրական երևույթ է ,սակայն այն չհարգելը ,ինքնին կարող է պարտության մատնել հարաբերությունները: Մի խոսքով ամեն մի խոսք իր տեղը և ամեն մի կետ իր վայրն ունի:

Նաև փորձեք ակտիվորեն նպաստել հարցերի կարգավորմանը: Խնդիրները միշտ գոյություն ունեն: Անհրաժեշտ է  սովորենք դրանց նկատմամբ մոտեցում դրսևորելու և խնդիրների լուծման մեթոդները:Եթե ​​դուք ակտիվ եք աշխատանքային միջավայրում, ապա նվազեցնում եք ձեր գործընկերների աշխատանքային ճնշումը, և սա լավ հմտություն է աշխատանքային միջավայրում:Նաև , փորձեք լավ վերաբերմունք դրսևորել: Մի շարք բառեր ինչպիսիք են՝խնդրում եմ և շնորհակալություն  շատ օգտակար են հաղորդակցման հմտությունների համար:Ժպիտով մեկտեղված խոսքերը մեզ հիշեցնում են, որ ինչ-որ բան կատարելու գործընթացն ավելի կարևոր է, քան արդյունքը։Այսպիսով, միշտ  լավ վերաբերմունք դրսևորեք  և մի մոռացեք օգտագործել այս բառերը:

Փորձեք  միշտ լինել աջակցող, խրախուսել ձեր գործընկերներին, լինել ուրախ և մոտիվացնել նրանց: Յուրաքանչյուր մակարդակի պաշտոնյաներ նախընտրում են աշխատել եռանդուն և մոտիվացված մարդկանց հետ:Բաց միտք ունենալը նաև աշխատավայրում հաջողության հասնելու հաղորդակցման հմտություններից է:Պարզարես միայն ձեր պատգամը փոխանցելու  փոխարեն, դիմացինի տեսակետները լսելու և ըմբռնելու ժամանակ ,բաց մտքով հետևեք խնդրին: Ինչ-որ մեկի հետ խոսելու պատրաստակամություն դրսևորելով, նույնիսկ այն մարդկանց, ում հետ համաձայն չեք, դուք կկարողանաք ավելի անկեղծ և արդյունավետ զրույցներ վարել:

Աշխատավայրում հաջողության հասնելու  հաղորդակցման  այլ  հմտություններից է  ուրիշների հետ ձեր փոխհարաբերություններում ինքնավստահությունը:Ինքնավստահությունը , ձեր գործընկերներին կապացուցի , որ դուք հավատում եք ձեր ասածներին և պատճառ կդառնա ,որ նրանք  հետևեն ձեզ:Վստահություն դրսևորելը կարող է լինել նույնքան պարզ, որքան աչքով կապ հաստատելը կամ վճռական, բայց ընկերական ոճ  օգտագործելը:Խուսափեք հարցական ոճ ներկայացնող  նախադասություններից: Նաև զգույշ եղեք, որ կոպիտ և գոռոզ  չներկայանաք:Միշտ լսեք մյուս կողմին և կարեկցեք նրան։Նաև ճիշտ դատողությունը հաղորդակցման ևս մեկ հմտություն է:Այս հմտությունը ձեռք բերելու համար մենք պետք է ուշադիր տեսնենք և լսենք մեզ շրջապատող մարդկանց և մեզ շրջապատող աշխարհը:

Երբ լավապես ճանաչեցիք ձեր ունկնդիրներին և  ձեզ մոտ  ամրապնդեցիք  ձեր խոսքի հմտությունները,ժամանակն է ,որ հզոր արտահայտությամբ ,ունկնդրին քաջալերեք ու համոզեք իրականացնել այն ինչ ,որի մասին դուք մտածում եք: Բանակցությունների հմտությունը ոչ միայն օգնում է մեզ քննարկել աշխատանքային առաջարկները և ստանալ ավելի լավ աշխատավարձեր և լիազորություններ,  դա կլինի մեր հաղթաքարտը այլ ոլորտներում:Հաղորդակցման այլ հմտություններից է  հռետորությունը:Թեման արտահայտելու մեր վարպետությունը ամենամեծ ազդեցությունն է ունենում ունկնդրի վրա և խրախուսում է նրան լսել մեր գաղափարները:Խոսելու հմտությունների շնորհիվ հնարավոր է դառնում ստեղծել փոխազդեցություն և հաղորդակցություն:Եթե գրելու և խոսելու մեթոդների մեջ տաղանդավոր եք ,հաջողություն կունենաք:Ժամանակակից աշխարհում, որտեղ ժամանակը շատ թանկ է, և տեխնոլոգիան ապահովում է շարունակական և մշտական ​​հաղորդակցության միջոցներ, խնդիրների հստակ ձեւակերպումը շատ կարեւոր է։

Հաղորդակցման հմտություններն իրականում անհատական ​​զգացմունքները ճանաչելն ու դրանց վրա ուշադրություն դարձնելն են:Մարդիկ, ովքեր բավարար գիտելիքներ ունեն մարդկային զգացումների և հոգեվիճակի  մասին, ավելի հաջողակ են իրենց աշխատանքում:Այդ իսկ պատճառով է,որ  մարդկանց բավարարվածությունն իրենց կատարած աշխատանքի նկատմամբ  որոշում է նրանց հավատարմությունն ու գործակցությունը: Հաղորդակցման հմտությունների կիրառումը ավելի լավ հեռանկար է ստեղծում մեր աշխատանքի և նպատակի համար:Այսօր մենք ապրում ենք  իրական և վիրտուալ երկու  աշխարհներում։Այս երկու աշխարհներում մեր հաղորդակցման հմտությունները պետք է լինեն տրամաբանական և սկզբունքային:

Շնորհակալ ենք մեզ ընկերակցելու համար: Մինչ նոր հաղորդում Տերն ընդ Ձեզ: