Ընտելանանք (50)

Լավ կյանք ունենալու համար կարևոր է ֆիզիկական և հոգեկան առողջությունը։ Երբեմն ցանկալի կյանքին հասնելու համար անհրաժեշտ է ապրելակերպի փոփոխություն։ «Ընտելանանք» հաղորդաշարի շրջանակներում միասին փորձում ենք սխալ սովորությունները փոխարինել ճիշտ սովորություններով:

Հարկ է նշել, որ հաղորդաշարի շրջանակներում ներկայացված խորհուրդներն ընդհանուր են, և հնարավոր է, որ դրանցից մի քանիսը հարմար չլինեն բոլորի համար: Անհրաժեշտության դեպքում ձեր կենսակերպում փոփոխություններ մտցնելու համար կարող եք խորհրդակցել ձեր բժշկի կամ խորհրդատուի հետ:

Ողջույն հարգելի ունկնդիրներ: Նախորդ հաղորդման ընթացքում խոսել ենք երեխաների սոցիալական վարվելակարգի մասին։ Այս  հաղորդման ընթացքում կուսումնասիրենք խարիզմատիկ մարդկանց բնութագրերը։

Մենք հաճախ ենք լսել խարիզմա տերմինը և կարող ենք որոշակի տեղեկություններ ունենալ դրա մասին։ Այս արտահայտության իմաստի մասին ավելին իմանալու և խարիզմատիկ մարդկանց առանձնահատկությունները իմանալու և մեր մեջ այս հատկանիշներն ամրապնդելու համար, ընկերակցեք մեզ այս և հաջորդ հաղորդման ընթացքում:

Ընդհանրապես, խարիզման մի հատկանիշ է, որն ունեն որոշ մարդիկ։ Մարդիկ, ովքեր ունեն խարիզմատիկ լինելու հատկանիշ, ազդում են ուրիշների վրա խորը հուզական շերտերով ՝ լինի դա սովորական առօրյա փոխհարաբերություններում, թե որպես օրինակելի և ոգեշնչող անձնավորություն: Նրանց գրավչությունը ուրիշների աչքում, նրանց կարծիքի և ներկայության արդյունավետությունը և ուրիշներին ուղղորդելու ուժը այն բնութագրերն են, որոնք մտքում զուգորդվում են  խարիզմա կամ խարիզմատիկ մարդիկ բառերը լսելիս:

Խարիս լեգենդար աղջկա կամ աղջիկների անունն է, որոնք հունական դիցաբանության մեջ հայտնի էին որպես գեղեցկության և հմայքի խորհրդանիշ։ Այս բառը անգլերենում գրված է որպես Charis: Իհարկե, Չարիս բառն ինքնին չի նշանակում գրավչություն, այլ նշանակում էր աստվածների շնորհք։ Իրականում, այս մարդիկ օրհնված էին գեղեցկությամբ և հմայքով: Սակայն հետագայում այս բառն ինքնին դարձավ գրավչության հոմանիշ։ Հետևաբար, եթե ուզում ենք գուշակել խարիզմա բառի իմաստը ըստ նրա  արմատի, ապա պետք է մտածենք գրավչության մասին և ենթադրենք, որ խարիզմատիկ անձնավորությունը ուրիշների համար գրավիչ անձնավորություն է:

Կարող է թվալ, որ այս տերմինն օգտագործվում է միայն հոգեբանության կամ սոցիալական հմտությունների ոլորտում, բայց այն նաև օգտագործվում է այլ ոլորտներում, ինչպիսիք են սոցիոլոգիան, քաղաքագիտությունը և կառավարումը: Խարիզման օգտագործվում է սոցիոլոգիայում՝ որպես ուժի և լեգիտիմության աղբյուր, հոգեբանության մեջ՝ խարիզմատիկ մարդկանց բնութագրերի և խարիզմայի ձևավորման ծագման, իսկ քաղաքագիտության մեջ՝ խարիզմատիկ առաջնորդների վերլուծության մեջ։ Բայց այս տերմինը օգտագործվում է հաղորդակցման հմտությունների մեջ որպես արդյունավետ բաղադրիչ համոզման և կառավարման մեջ որպես կազմակերպչական ղեկավարություն, ինչպես նաև խարիզմա՝ որպես բանակցային ուժի աղբյուրներից մեկը: Իհարկե, պետք է նաև նշել, որ մեր նշած ոլորտներում խարիզմայի սահմանումը տարբեր է։

Ընդհանուր առմամբ, խարիզմատիկ անհատականություն ունենալը օգնում է մարդուն բարելավել իր փոխհարաբերությունները ուրիշների հետ և մեծացնում է նրա բավարարվածությունը կյանքից: Նման անհատականություն ունենալը նշանակում է հասկանալ ինքնավստահության և խոնարհության հավասարակշռությունը: Որովհետև բոլորին հաճույք է պատճառում նման մարդու հետ լինելը։ Թեև այս հատկանիշը որոշ մարդկանց համար հեշտ չէ հասկանալը, այն շատ արժեքավոր է նրանց համար, ովքեր հասկանում են խարիզմատիկ անհատականությունը: Որովհետև հավասարակշռություն գտնելը, որը հստակորեն սահմանում է հանդգնության և ինքնավստահության միջև եղած տարբերությունը, շատ կարևոր է: Եվ յուրաքանչյուր մարդ ցանկանում է ունենալ այս հավասարակշռությունը, որպեսզի լավը լինի:

Առանց մեծամտության, բայց սիրով ու բարությամբ լի հաջողակ կերպարների առկայությունը խարիզմատիկ անհատականությունը ճանաչելու ուղիներից մեկն է։ Եվ սա այն է, ինչի կարիքն ունի մեր աշխարհն այսօր, քանի որ մենք ավելի շատ մարդկանց կարիք ունենք, ովքեր լի են իսկական խարիզմայով: Նման մարդկանց վարքագծի որոշ նշաններ այն են, որ նրանք ունեն ազնվություն, ակտիվ ներկայություն, աչքերի շփում և ակտիվ լսելու հմտություններ: Այս հատկանիշներին ավելացրեք խոնարհություն, հասունություն, ուժ և ջերմություն:

Ինչպես նշեցինք, խարիզմատիկ անհատականություն ունեցող մարդիկ իրենց սկզբնական հմայքի հետևում ունեն ազնվություն։ Դուք կարող եք հանդիպել մեկին, ով աներևակայելի հմայիչ և ջերմ է, բայց եթե նա իսկապես խարիզմատիկ չէ, այդ հմայքը կվերածվի մեծամտության։ Խարիզմայով օժտված մարդկանց մոտ, չնայած ազնվությանը, այս հմայքը խորություն ունի։ Դա նշանակում է, որ անհատն իրական մտադրություն ունի իր լավագույն ծառայությունները մատուցելու իր մերձավորներին։

Ակտիվ ներկայություն ունենալը խարիզմատիկ անհատականության ևս մեկ նշան է: Ակտիվ ներկայությունը չի նշանակում միայն ֆիզիկական ներկայություն պահի դրությամբ։ Խարիզմատիկ բնավորություն ունեցող մարդը կարող է իր ուշադրության 100%-ը տալ մարդու, ով իրեն ուղերձ է փոխանցում։ Հետևաբար, խարիզմատիկ անհատականության պահանջներից մեկն այն է, որ կարողանանք լսել յուրաքանչյուր բառ և հասկանալ, որ այդ ամբողջ տեղեկատվությունը կարևոր է այն մարդու համար, ով խոսում է կամ օգնության կարիք ունի: Նաև խարիզմատիկ բնավորություն ունեցող մարդը լի է ինքնավստահությամբ, և այդ ինքնավստահությունը կարող է դրսևորվել ճիշտ աչքի շփման միջոցով: Իհարկե, այս աչքի շփումը չպետք է լինի այնքան, որ մարդ անհարմար վիճակում հայտնվի:

Ակտիվ լսելու հմտությունը խարիզմատիկ անհատականության մեկ այլ հատկանիշ է: Շատ անգամ զրույցի ընթացքում մեկ մարդ է ուշադրության կենտրոնում: Չնայած սա կարող է բավականին եսասիրական լինել, մարդկանց մեծամասնությունը չի գիտակցում, որ նրանք ամբողջ ուշադրությունն իրենց վրա են հրավիրում: Մարդկանց մեծ մասը լսելու փոխարեն, թե ինչ է ասում մյուս կողմը, իրենց մտքում հավաքում են իրենց հաջորդ բառերը՝ պատասխանելու համար: Բայց լավ և առողջ զրույցի ձևավորման անհրաժեշտությունն է նկատի ունենալ և ուշադրություն դարձնել այն ամենին, ինչ ասում է զրույցի յուրաքանչյուր կողմ։ Դա նշանակում է, որ խոսակցության երկու կողմերում էլ պետք է լիակատար ուշադրություն լինի։ Խարիզմատիկ մարդիկ հենց դա են անում: Նրանք իսկապես լսում են այն, ինչ դուք պետք է ասեք: Բացի այդ, նրանք արժեքավոր ընկերներ են և բոլոր զրույցներում նույնիսկ ավելի շատ են լսում, քան խոսում:

Խոնարհությունը դժվար է որոշ մարդկանց համար, բայց թվում է, թե շատ հեշտ է այն մարդկանց համար, ովքեր ունեն խարիզմատիկ բնավորություն: Խոնարհությունը կարող է ներառել նաև անձնազոհություն, քանի որ այդ մարդիկ իրենց լավագույն ծառայությունն են մատուցում ուրիշներին կամ նույնիսկ հրաժարվում են իրենց սեփական շահից՝ հանուն ուրիշների: Իրականում, ամենախարիզմատիկ անձնավորությունները հպարտ չեն կամ քիչ հպարտ են: Երբ հանդիպում ես մարդկանց, ովքեր ունեն խարիզմատիկ բնավորություն, հեշտությամբ կարող ես նրանց մեջ խոնարհությունն զգալ։ Դուք կարող եք տեսնել այս հատկանիշը ուրիշներին օգնելու նրանց մշտական ​​ջանքերի, ինչպես նաև իրենց սխալներն ընդունելու զարմանալի ունակության մեջ:

Խարիզմատիկ մարդկանց մեկ այլ նշանն այն է, որ նրանց մեջ ակնհայտ է հասունությունը։ Այս մարդիկ իմաստությունը վեր են դասում գիտելիքից: Միևնույն ժամանակ, քչերն են, ովքեր ունեն իմաստություն և բանականություն, իրականում տրամաբանություն և կյանքի փորձ կիրառելու կարողություն ունեն: Իսկական հասունությունը բնութագրվում է խարիզմատիկ մարդու ունակությամբ՝ խելամիտ որոշումներ կայացնելու, պատասխանատվություն ընդունելու և ուրիշների վրա լավ ազդելու կարողությամբ, ովքեր ձգտում են աճել և կատարելագործվել: Նրանք հաճախ համարվում են ավելի իմաստուն, քան իրենց ֆիզիկական տարիքը:

Որոշ անհատականություններ արտահայտում են բարություն և բարեսրտություն, մինչդեռ խարիզմայով օժտված մարդը նույնպես զորություն է հաղորդում: Նկատենք, որ այն ուժը, որի մասին խոսվում է, եսասիրություն չէ, այլ ավելի շատ նման է ինչ-որ անհավանական ազդեցության բարձր սոցիալական դիրքերում գտնվողների վրա։ Բայց խարիզմատիկ անհատականություն ունեցող մարդիկ այդ ուժը չեն օգտագործում իրենց շահի համար։ Այս ուժն ավելի շատ նման է մի բանի, որը միայն մարդու ներսում է և նկատվում է ուրիշների կողմից։ Ուժն իր օգտին օգտագործելը և հզոր ազդեցություն գործադրելը  բոլորովին  տարբեր բաներ են: Իրական ուժը դրսևորվում է խարիզմայի միջոցով:

Խարիզմատիկ անհատն ունի ջերմ և ընկերասեր բնավորություն։ Ի տարբերություն այլ անհատականությունների, որոնց ներկայությամբ մարդիկ կարող են անհանգստանալ, խարիզմայով օժտված մարդը ստիպում է մյուսներին զգալ իրենց ընդունված, կարևոր և խելացի լինելը: Նրանք երբեք չեն նսեմացնում ուրիշների գիտելիքները՝ ցուցադրելով իրենց գիտելիքները:  Ավելի շուտ գրկաբաց մոտենում են մարդկանց ու ինչ որ ասում են, ողջունում են։ Այս ջերմությունը չեն կարող կրկնօրինակել նրանք, ովքեր չունեն խարիզմատիկ անհատականություն, քանի որ այն համարվում է հազվադեպ հատկանիշ:

Թանկագին բարեկամներ շնորհակալություն մեզ ընկերակցելու համար, մինչ նոր հանդիպում եթերում, որտեղ կքննարկենք խարիզմատիկ մարդկանց այլ հատկանիշներ և այն քայլերը, որոնք դուք պետք է ձեռնարկեք խարիզմատիկ դառնալու համար, ձեզ մաղթում ենք լավագույնը: