Pars Today

ИИР  Президенті сейіт Ибрахим Раиси мен Сыртқы істер министрі  және олармен бірге болған делегацияның тікұшақ апатында шәһид болуынан кейін әртүрлі елдердің ресми тұлғалары мен қайтаркерлері   Иран халқы мен үкіметіне көңіл айтты.

ИСНА-ның хабарлауы бойынша, ИИР Президенті Ибрахим Раиси, Сыртқы істер министрі Амирабдуллахиан және онымен бірге тікұшақ апатында шәһид болған басқа да азаматтардан шәһид болғаны туралы ресми мәлімдемеден бірнеше минуттан кейін Пәкістан халқының әртүрлі топтары, елдің саяси және діни қайраткерлері мен БАҚ өкілдері осы үлкен апатқа өкініш білдіре  отырып, ел Иран халқы мен үкіметіне көңіл айтты. Пәкістанның көптеген тұлғалары осы елдің ақпарат арналарымен сұхбатында тікұшақ апатында шәһид болған Сейед Ибрахим Раиси мен басқа шәһидтерге құрмет көрсетіп, оны аймақтағы бейбітшілік пен дипломатия үшін үлгі ретінде таныстырды.

Пәкістан  Ұлттық Ассамблеясының  төрағасы Сардаз Аяз Садық осыдан бірнеше сәт бұрын мәлімдеме жасап,  Иран   Президенті, Сыртқы істер министрі және оның басқа серіктерінің тікұшақ апатында шәһид болуына байланысты Иран халқы мен үкіметіне, соның ішінде шәһидтердің отбасыларына көңіл айтты.

Ауғанстанның бұрынғы үкіметінің Жоғары ұлттық келісім кеңесінің басшысы Абдулла Абдулла өзінің X бетінде былай деп жазды: «ИИР Президенті Сейед Ибрахим Раиси, Табриздің жұма имамы әл-Хашем, Ислам Республикасының Сыртқы істер министрі Амирабдуллахиан және олардың бірқатар серіктері болғанын өкінішпен білдік. Иранның Шығыс Әзірбайжан облысында тікұшақ апатында қаза тапты, бұл қайғы тудырды. Мен олардың құрметті отбасына, Иран Ислам Республикасының халқына және Иран Ислам Республикасының үкіметіне осы ауыр қазаға байланысты көңіл айтамын".

Ирактың ұлттық даналық қозғалысының жетекшісі сейіт Аммар Хаким де жолдауында: «ИИР Президенті әрі исламның көрнекті саяси қайраткері  Сейед Ибрахим Раисидің, сондай-ақ оның бірқатар серіктерінің Иранның солтүстік-батысында тікұшақтың апатқа ұшырауына байланысты шәһид болғаны туралы хабарды өкінішпен және қайғымен қабылдадық. Біз марқұмның Иранның, аймақтың және әлемнің революциялық, саяси және мәдени өміріндегі көрнекті рөлін құрметтейміз және Ислам революциясының жетекшісі имам Хаменеиге, Иран халқы мен үкіметіне және марқұмның отбасы мен жақындарына көңіл айтамыз",- деп айтты.

Йемен үкіметі де Иран басшылығына, үкіметі мен халқына және әлемдегі барлық жәбірленушілерге көңіл айтты.

Палестинаның Исламдық қарсыласу қозғалысы (ХАМАС) да революцияның жетекшісіне, Иран үкіметіне және дос Иран халқына шынайы көңіл айтып, терең жанашырлық пен ынтымақтастықты білдіріп: "Бұл шәһидтер Палестина ісін қолдауда және халқымыздың күресін қолдауда абыройлы қызметтерге ие болған Иранның ең таңдаулы басшыларының тобы. Исламдық қарсыласу қозғалысында (ХАМАС) Алланың қалауы мен тағдырына көбірек сенім артып, үлкен сабырлық пен ойлану арқылы Ислам революциясының жетекшісіне шынайы көңіл айтып, терең жанашырлық пен ынтымақтастығымызды білдіреміз",- деді.

Ирак Премьер-министрі Шиа әл-Судани көңіл айту жолдауында осы қайғылы оқиғадан кейін елінің Иран халқы мен басшылығын қолдайтынын қуаттап, Ислам революциясының жетекшісіне, Иран үкіметі мен халқына көңіл айтты.

Венесуэла Президенті Николас Мадуро Иран Президентінің шәһид болуына байланысты көңіл айту жолдауында: «Ибрахим Раиси біздің бауырымыз болғандай, ұлы адам, өз халқының егемендігін қорғаушы,  сөзсіз ол еліміздің досы болып қалады",- деді.

Үндістан Премьер-министрі Нарендра Моди де Иран Президентінің тікұшақ апатында шәһид болуы туралы хабарға реакция білдіріп, Иран президентінің қайтыс болғаны туралы хабарға қатты қайғырып, есеңгіреп қалғанын айтты.

Кеше жексенбі күні Шығыс Әзірбайжанның Варзган аймағында тікұшақ апаты салдарынан ИИР Президенті Сейед Ибрахим Раиси мен оның бірге болған делегация шәһид болды.

Осы әуе апатында Иран Президенті Ибрахим Раиси мен Сыртқы істер министрі Амирабдуллахианнан басқа Табриз жұма намазының имамы аятолла сейіт Мұхамедәли Але Хашим мен Шығыс Әзірбайжан облысының губернаторы Малек Рахмати, сондай-ақ Президенттің қауіпсіздік тобы,  тікұшақтың экипажы шәһид болды.