Сирияда Израильдің қырғи ұшағы құлатылды
Сирия армиясының əуе қорғаныс күші Сирияның көгінде Израильдің бір қырғи ұшағы мен ұшқышсыз ұшағын құлатты.
Сирияның "əл-Ахбарие" ақпарат агенттігінің хабарлауы бойынша, Сирия армиясының штабы сейсенбі күнгі мəлімдемесінде: "Сейсенбі күні таңертең Сирия армиясының горнизондарына шабуыл жасауды мақсат тұтып, осы елдің Қанитара аймағындағы əуе кеңістігіне кірген сионистік режимнің бір қырғи ұшағы Сирия армиясының əуе қорғаныс күші тарапынан құлатылды",-деп хабарлады.
Сирия армиясы, сондай-ақ, осы аймақта сионистік режимнің бір ұшқышсыз ұшағының құлатылғанын хабарлады.
Сирия армиясы штабының мəлімдемесінде айтылғандай, сионистік режимнің Қанитара аймағында əуе кеңістігін бұзуы бірінен соң бірі жеңіліс тауып жатқан лаңкестерге рух беру үшін жасалды.
Сионистік режим армиясының бір қырғи ұшағы осыдан бұрын да Сирия армиясының Хана-Голан биіктіктеріндегі позицияларын нысанаға алған болатын.
Сонымен қатар, Сирия армиясының зымыранды сəтті пайдаланып, Қанитараның солтүстігінде лаңкестердің үш танкісін адамдарымен бірге жойғаны хабарланды.
