Нетаньяху ХАМАС-тың тұтқындармен алмасу үшін ұсынған шарттарын қабылдамады
Бұл күндері Газадағы соғысты тоқтатуға қатысты іштен де, сырттан да қысым көріп отырған сионистік режимнің Премьер-министрі ХАМАС-тың тұтқындармен алмасу үшін ұсынған шарттарын қабылдамады.
Al-Mayadeen арнасының хабарлауынша, Беньямин Нетаньяху жексенбі күні: "Барлық майдандарда соғысты жалғастырамыз",-деді.
Нетаньяхудың осы сөзінен кейін израильдік тұтқындардың жанұялары оның үйінің алдына жиналып, тез арада тұтқындармен алмасу туралы келісім жасауды талап етті.
Жексенбі күні Тель-Авивте де Беньямин Нетаньяхуға қарсы шеру өтті. Соғысты тоқтату және тұтқындарды босатуды талап еткен көше шерулері Тель-Авив үкіметінің құлауын жақындатып, Палестина қарсыласу күштерімен шайқаста Израиль армиясын әлсіретті.
Сионистік тұтқындардың жанұялары жексенбі күні кешке Тель-Авивте сионистік режимнің Соғыс министрлігі ғимаратына апаратын жолды жауып тастап, тұтқындармен алмасуды талап етті.
