Медведев: Дұшпандардың барлығын тозақ отына жібереміз

Ресей Қауіпсіздік кеңесі төрағасының орынбасары: "Ресейдің Қарулы күштері дұшпандардың барлығын тозақ отына жібере алады",-деді.

Reuters ақпарат агенттігінің хабарлауынша, Дмитрий Медведев Ресейдің Ұлттық бірлік күніне орай жасаған жолдауында Ресей мен Украина соғысын сайтанға қарсы қасиетті күрес деп атады.  

Дмитрий Медведев: "Ресей Украинада Батыс елдері қолдап отырған "нашақор әрі есалаң нацистермен" күресіп жатыр",-деді.

Ресей Қауіпсіздік кеңесі төрағасының орынбасары: "Ресейде түрлі қару-жарақ бар. Ол дұшпандардың барлығын тозаққа жібере алады",-деді.

Дмитрий Медведев бұған дейін "Ресей қару-жарақ түрлерін, соның ішінде танк, мылтық, жоғары дәлдікке ие зымыран мен ұшқышсыз ұшақтар өндірісін арттырып жатыр" деген болатын.

Медведев дұшпандарға: "Мәскеуде қару-жарақ тапшылығы болады деп үміттенбей-ақ қойыңыздар",-деді.