د یمن انصار الله غورځنګ په اسرائیلو توغندی وویشته
مهر خبري اژانس راپور راکړی د یمن انصار الله غورځنګ د اسرائیلو رژيم په مرکز کښې د تل اویو اللد هوایي ډګر ته نږدې په یوې سیمې باندې د توغندي د ویشتل کیدا خبر ورکړ.
د صهیونیسټ رژيم پوځ د یمن د انصار الله غورځنګ له توغندوي حملې وروسته د دغه توغندي په له مینځه وړلو کښې په خپلې ناتوانۍ اعتراف وکړ او په تل اویو باندې د دغه توغندي لګیدل یې تائید کړل.
ویل کیږي له یمن څخه په اسرائیلو ویشتل شوی توغندی خاطم دوه په نوم بلاسټیک دی کوم چې د یمن د وسله والو ځواکونو پرمختللی توغندی ګڼل کیږي.
د اسرائیلو د پوځ راډیو هم راپور ورکړ چې د یمن بلاسټیک توغندی له یمن څخه په دوه زره کلومیټره واټن وهلو سره د نیواکي ټاټوبو تر زړه پورې پینځلس دقیقي مزل کړی دی.
د صهیونیسټ رژيم پوځ حاضردمه د یمن د دغه توغندوي حملې په هکله د خپلې استخباراتي ماتي په هکله تحقیقات پیل کړي دي.
بل خبر دا چې د صهیونیسټ رژيم رسنیو په نیواکي ټاټوبو کښې پناه ځایونو ته د دوه میلیونه او د درې لکه پینځه شپيته زره صهیونیسټانو د تښتیدا خبر ورکړ.
په غزې تړانګه کښې د صهیونیسټ رژیم د جنایتونو په دوام سره د یمن د انصار الله د مقاومت ځواکونو په نیواکي ټاټوبو باندې د توغندیو د ویشتلو او د صهیونیسټ رژيم د بندرونو په لور د تلونکو کشتیو د مخه د نیولو اقدام کړی دی.
