د امریکا د ولسمشر مرستیال د جرمني چارواکي غصه کړي
ایرنا خبري اژانس راپور راکړی د جرمني په «مونیخ» امنیتي کانفرنس کښې د امریکا د ولسمشر ټرامپ د مرستیال «جي ډي ونس» څرګندونو او د اروپايي هیوادونو په اقداماتو باندې د هغه نیوکې د جرمني د سیاستوالانو په شمول د اروپا د چارواکو غصه راپارولي ده.
جي ډي ونس د مونیخ په کانفرنس کښې وویل روسیه او چین په اروپا کښې ډیموکراټیکو ارزښتونو او امنیت ته ګواښ نه کوي بلکې دغه ګواښونه په خپله د اروپا له داخل څخه رامینځته شوي دي.
د امریکا د ولسمشر ټرامپ د مرستیال جي ډي ونس دغو څرګندونو د جرمني د دفاع وزیر «بوریس پیسټوریوس» غصه راپارولي ده.
د انګلستان «فایننشل ټایمز» ورځپاڼې په همدې ارتباط ولیکل چې د امریکا د دغه سیاستوال وینا له هر څه زیات د جرمني د چارواکو چې د مونیخ د کانفرنس کوربه توب پرغاړه لري غصه ځان پسې لرلي ده.
د جرمني د ډیموکراټ عیسايي ګوند مشر او د دغه هیواد د صدراعظمې د څوکۍ کاندید «فرډریش مرتس» هم وویل دا د امریکا د حکومت دنده نه ده چې دلته په جرمني کښې مونږ ته ووايي چې په کوم ډول د خپلو ډیموکراټیکو ارګانونو ساتنه وکړو.
له دې مخکې هم د امریکا د ولسمشر ټرامپ مرستیال جي ډي ونس ټینګار کړی و چې اروپايي هیوادونه باید د خپل امنیت لپاره زیاتې پیسې ولګوي.
