د سوریې په ساحل کې ۱۵۰۰ ملکیان وژل شوي دي

پارس ټوډې - د سوریې د بشري حقونو څارونکي سازمان ویلي چې د سوریې په ساحلي سیمه کې په تاوتریخوالي کې ۱۵۰۰ ملکیان وژل شوي دي.

د سوریې د ساحل سیمه چې ډېری اوسېدونکي یې علويان دي، په دې وروستیو کې د سختو شخړو شاهده وه او د اوسني حوکت د امنیتي ځواکونو او د سوریې پخواني دولت سره تړلو وسله والو ډلو ترمنځ سختې جګړې رامنځته شوې.

دې جګړو د دواړو خواو مرګ ژوبله واړوله او د دمشق د اعلان له مخې، جګړې په "جبله" ښار او د هغه په شاوخوا کې متمرکزې وې.