امریکا باید د خپلواکه هیوادونو له ګواښلو څخه لاس واخلي
د چین د بهرنیو چارو وزیر« وانګ یي» چې د روسیې له ولسمشر او د باندنیو چارو له وزیر سره د کتنې لپاره ماسکو ته تللی دی وویل:
امریکا باید سرحدونو ته نږدې د لنډ واټنه ځمکنیو توغندیو دیره کول او د خپلواکه هیوادونو ګواښل بند کړي.
هغه د روسیې له ریانووستي خبري اژانس سره په مرکه کښې وویل چین له امریکا غواړي د اټومي جنګ د خطرونو د کمولو او دغه راز په ملي امنیت کښې د اټومي وسلو د رول د کمزوري کولو هڅه وکړي.
د چین خارجه وزیر وانګ یي د اټومي بې وسلې کولو له خبرو سره د چین د یوځاې کیدا په هکله د امریکا غوښتنه غیر منصفانه او غیر حقیقي وبلله او ویې ویل د چین اټومي سلاکوټ له امریکا څخه کوچنی دی او په دې لړ کښې امریکا د ځمکې پرمخ د ترټولو ستر اټومي سلاکوټ د خاوند په توګه باید د اټومي وسلو د کمولو لپاره کار وکړی.
هغه د روسیې او د اوکراین ترمینځ د جنګ د رامینځته کیدا جرړو ته په اشارې سره وویل چین د اوکراین د کړکیچ د علتونو د جرړې د ایستلو ملاتړي کوي او پیکینګ د شخړې په حل کول کښې د رغنده رول لوبولو ته تیار دی.
