د اسرائیلو لومړی وزیر بیا محکمې ته حاضر کړی شوی
ایرنا خبري اژانس راپور راکړی د صهیونیسټ رژیم لومړی وزیر بنیامین نتانیاهو د مالي فساد په هکله تورونو ته د ځواب ویلو لپاره د څلرویشتم ځل لپاره د تل اویو په مرکزي محکمې کښې حاضر شو.
د اسرائیلو یدیعوت احارنوت ورځپاڼې پرون ولیکل لومړی وزیر بنیامین نتانیاهو د تیر میلادي کال د دسمبر د میاشتې له لسمې نیټې څخه تراوسه پورې د څلرویشتم ځل لپاره محکمې ته حاضر شوی دی.
د اسرائیلو محکمه د لومړي وزیر نتانیاهو د مالي فساد د تورونو په هکله د هغه د غوښتنو د اوریدو لپاره هره اونۍ دوه ځله غونډه کوي.
په عین حال کښې د اسرائیلو محکمې فیصله وکړه چې د لومړي وزیر نتانیاهو د مالي فساد د تورونو غونډې د راتلونکي مي میاشتې په اومه نیټه پاې ته ورسوي.
د محکمې د فیصلې پراساس نتانیاهو د روانې اپریل میاشتې په اتویشتمه او نهویشتمه نیټه محکمې ته حاضریږي.
د اسرائیلو د ناروا او د ظالم رژیم لومړی وزیر نتانیاهو چې یو ستر جنایتکار او قاتل دی د زر ، د دوه زره او د څلور زره په نوم دوسیو کښې په امانت کښې د خیانت کولو ، د رشوت د اخیستلو او په مالي فساد تورن دی.
