له غزې په ملاتړ کښې د یمن حملې به هیڅکله بندې نشي
ایرنا خبري اژانس راپور راکړی د یمن د انصار الله غورځنګ د اطلاع رسونې د دفتر مرستیال «نصر الدین عامر» دې ته په اشارې سره چې د یمن د خلکو پرضد د نیواکګر رژیم
تیري په نیواکي ټاټوبو باندې د یمن د حملو د اغیز شیندنې نتیجه ده ټینګار وکړ له غزې تړانګې څخه د ملاتړ لپاره زمونږ پوځي بریدونه به هیڅکله بند نشي.
د یمن د انصار الله غورځنګ د اطلاع رسونې د دفتر مرستیال او د یمن د رسمي خبري اژانس مشر «نصر الدین عامر» وویل د یمن هوايي دفاع سیسټم وتوانید د صهیونیسټ رژيم د تیریو زیاته برخه شنډه کړي او د دښمن جنګي الوتکې د یمن له هوايي حریم څخه تښتیدا ته مجبوره کړي.
هغه ټینګار وکړ چې له غزې تړانګې په ملاتړ کښې به زمونږ پوځي عملیات هیڅکله بند نشي او د غزې تړانګې پرضد د تیریو د بندیدا او د کلابندۍ له ختمیدا وروسته به زمونږ عملیات هم پاې ته ورسیږي.
عامر ډاګینه کړه چې د یمن د غیر پوځي سونګو په زیرمو باندې حمله کول به زمونږ په پوځي عملیاتو باندې هیڅ اغیز ونلري.
