په دونتسک کښې په دوو حرارتي بټیو د اوکراین بریدونه وشول
ایرنا خبري اژانس راپور راکړی په «دونتسک» سیمه کښې په دوو حرارتي بټیو باندې د اوکراین له بریدونو وروسته د ډیرو خلکو بریښنا غوڅه شوې ده.
په عین حال کښې د روسیې دفاع وزارت په تیرو څلرویشتو ساعتونو کښې د اوکراین د یودیرشو بې پایلوټه الوتکو د نسکورولو خبر ورکړ.
د دونتسک سیمې والي «ډنیس پوشیلین» وویل د بریښنا په شبکې باندې په یوې بې ساري حملې کښې د زویفسکایا» او د استاروبشیوسکایا» حرارتي بټیو ته تاوانونه رسیدلي دي.
د ډیرو هستوګنه سیمو بریښنا هم غوڅه شوې ده.
د روسیې دفاع وزارت هم په یوې بیانیې کښې د اوکراین د بریدونو په ارتباط وویل چې په تیرو څلرویشتو ساعتونو کښې د ماسکو هوايي دفاع سیسټم بریالی شو چې د اوکراین یودیرش بې پایلوټه الوتکې چې د روسیې په بیلابیلو سیمو باندې یې د حملو نیت درلود وپیژندي او هغه نسکورې کړي.
دغه راز د اوکراین په جنګي چارو کښې د روسیې د خارجه وزارت ځانګړي سفیر «روډیون میروشنیک» له تاس خبري اژانس سره په مرکه کښې د اوکراین لخوا په تیره یوه اونۍ کښې د روسیې د دیارلسو ښاریزو د وژل کیدا او د کابو اته پنځوسو نورو د ژوبلیدا خبر ورکړ.
