سردار وحیدي: د صهیونیسټ رژیم ګواښونه د ګډوډۍ نښه ده
پارس ټوډې - د ایران د وسله والو ځواکونو د لوی درستیز مرستیال ټینګار وکړ چې اسراییل له جدي ستونزو سره مخ دی او ګواښونه یې د دې رژیم د ګډوډۍ او کمزورۍ نښه ده.
سردار وحیدي امریکا ته د اسراییلي لومړي وزیر بنیامین نتانیاهو د راتلونکي سفر او د ایران په وړاندې د رژیم د تکراري ګواښونو په اړه له المیادین شبکې سره په مرکه کې، وویل: د اسراییلو رژیم له لویو ستونزو سره مخ دی او دا ټولو ته روښانه شوې ده. هغه په دې په ټینګار سره چې رژیم د ایران په وړاندې په جګړه کې خپل هیڅ هدف ترلاسه نه کړ، زیاته کړه: "تهران ټول بدلونونه او ټولې مسلې له نږدې څاري." د ایران د وسله والو ځواکونو د لوی درستیز مرستیال همداراز وویل: د اسراییلو رژیم هڅه کوي چې د واقعیت یو بل انځور وښيي او خپله کمزوري پټه کړي، او دا د ایران په وړاندې د رسنیو او رواني جګړې له لارې ترسره کیږي.
