شهباز شریف: له هندوستان سره هدفمنې مذاکرې ته تیار یو
د پاکستان وزیراعظم وویل چې هیواد یې د اختلافاتو د هواري لپاره د هندوستان له حکوت سره د هدفمندو خبرواترو دوباره پیلولو ته چمتو دی
شهباز شریف له الشرق الاوسط ورځپاڼې سره په مرکه کښې، د کشمیر په هکله له هند سره هر ډول خبرې اترې د دغې سیمې له خلکو سره د هند د بوږنونکي سلوک او غیرقانوني اقداماتو له بندیدو وروسته ممکنې وبللې.
شهباز شریف وویل: د کشمیر موضوع د هند و پاک ترمینځ یو سیاسي اختلاف دی او د ملګرو ملتو د امنیت شورا د پریکړه لیک په بنیاد فاینل حل لارې ته تر رسیدو او د کشمیر د اوسیدونکو د غوښتنو تر پوره کیدو پورې به هم دغه شان د اسلام آباد د بهرني سیاست د وړومبیتوبونو په سر کښې پاتې شي.
د کشمیر په سر د هند او پاکستان شخړه په داسې حال کښې ده چې د امنیت شورا پریکړه لیک د دغې سیمې د برخلیک د ټاکل کیدو لپاره د ټولپوښتنې او ریفرنډم په ترسره کیدو ټینګار لري خو نوی ډیلی ورسره مخالفت کوي.
