امریکا د پاکستان دوسته نه بلکې دشمنه ده

د پاکستان جمعیت علمای اسلام  فضل څانګی مشر مولانان فضل الرحمان وویل چې امریکا د پاکستان ټوټې کول غواړی.

زمونږ د خبریال د راپور له مخې مولانا فضل الرحمان  پرون د بلوچستان ولایت په خضدار کې وویل امریکا د پاکستان د ویشلو لپاره په نوې نقشې  کار کوی.

مولانا فضل الرحمان زیاته کړه امریکا د پاکستان ملګرې  او د پاکستان په ګټو پسې نه ده بلکې د دوستۍ په  جامه کې پاکستان ته ګوزار ورکول غواړی.

هغه همداراز د پاکستان د اقتصادی حالت په هکله وویل تر څو چې په دغه هیواد کې امنیت ټینګ نه شی د پاکستان اقتصاد به سم نه شی.  احتمالا د مولانا فضل الرحمان خبرې د امریکا د کانګرس د ځینو استازو  د لایحې د  وړاندې کولو په ځواب کې دی چې   په کې د امریکا له دولته  غوښتل شوې وو پاکستان د ترهه ګرۍ د  دودولو په وجه د ترهه ګرۍ ملاتړی معرفی کړی.