د پاکستان او ایران د کسټم ملګرتیاوې زیاتیږی.
د ایران او پاکستان د کسټم د چارو مشرانو د ملګرتیاو د پراختیا او ددواړو هیوادونو تر مینځ د کسټم د خنډونو د لرې کولو لپاره د تهران او اسلام اباد په چمتووالی ټینګار وکړ.
زمونږ دخبریال د راپور له مخې د ایران د کسټم د چارو مشر مسعود کرباسیان پرون په تهران کې د پاکستان د کسټم له مشر نصیر مسرور احمد او ملګری پلاوی سره په کتنه کې وویل اسلامی ایران له پاکستان سره د تجاری مبادلاتو د زیاتولو او له دغه هیواد سره د الکټرونیکی او کسټمی اطلاعاتو په تبادلې پسې دی.، د ایران د کسټم د چارو مشر په تهران کې د اقتصادی ملګرتیا د تنظیم ایکو د کسټم د مشرانو غونډې ته په اشارې سره وویل د ایکو په غړو هیوادونو کې بالقوه ظرفیتونه او وړتیاوې شته دی چې که اجرایی شی د ایران او پاکستان تر مینځ تجراتی او ګمرکی ملګرتیاوې ډیرې زیاتولی شی. د پاکستان د کسټم د چارو مشر نصیر مسرور احمد هم په دغه کتنه کې له اسلامی ایران سره د تجارتی اواړیکو د پراختیا او کسټمی ملګرتیاوو غوښتنه وکړه.د پاکستان د کسټم د چارو مشر او ورسره ملګری پلاوی د اکو دغړو هیوادونو د کسټم د مشرانو په غونډه کې د ګډون لپاره تهران ته راغلی دا غونډه نن د دوو ورځو په مخه په تهران کې ترسره کیږی.