نواز شریف په ترکیه کښې شوې چاودنه وغندله

د پاکستان وزیراعظم د ترکیې په دیاربکر کښې شوې چاودنه وغندله.

د پاکستان وزیراعظم نواز شریف وویل: ترهګرۍ د ټولو هیوادونو لپاره یو ګډ خطر دی او ټول نړیوال لوبغاړی دې د دې سپیرې ښکارندې د نابوولو کوشش وکړی.

د ترکیې په دیاربکر ښار کښې پرون د پولیسو د ادارې ودانۍ ته څیرمه شوې چاودنه کښې لږترلږه اته کسان ووژل شول.

ویل کیږی چې په یاده چاودنه کښې له سلو زیات کسان هم ژوبل شوی دی.

داعش ترهګرې ډلې د یادې پیښې پړه منلې خو د ترکیې چارواکو له دې مخکښې (پی، کی، کی) ډله د دیاربکره د چاودنې مسئوله بللې وه.