پاکستان له ویسټ انډیزه شل اوریزه لوبه او لړۍ وګټله

پاکستان د شل اورویز لوبو په  آخری لوبه کې ویسټ انډیز ته په ماته ورکولو سره دغه لړۍ درې په یو وګټله .

په پورټ آف سپین کې په څلورمه شل اوریزه یا ټی ټوینټی لوبه کې ویسټ انډیز اول بیټنګ وکړ او د اتو ویکټو په سوزیدو سره یې  ۱۲۷ منډې جوړې کړې .

په ځواب کې د پاکستان ټیم په نولس اورونو کې  دغه سکور برابر کړ او  په اوو ویکټو سره یې لوبه وګټله.

احمد شهزاد تر ټولو زیاتې درې پنځوس منډې جوړې کړې . په دغه لوبه کې حسن علی او شاداب خان دوه دوه ویکټې واخستې او حسن علی د لوبې غوره لوبغاړې وبلل شو.