دپاکستان دپوځ پخوانی مشر عربستان ته روان شو .
-
سعودي عربستان عربستان په ټولو اسلامي هیوادونو کښې دترهګرو ډلو جوړونکی او مالي مرسته کونکی هیواد دی .
زمونږ خبریال وایی د پاکستان حکومت د سعودی عربستان ترمشرۍ لاندې د ائتلاف د مشرۍ کولو لپاره د پوځ پخوانی مشر راحیل شریف ته اجازه لیک ورکړی او هغه اوس په یوې الوتکې کښې ریاض ته روان شوی .
دسعودی عربستان ترمشرۍ لاندې د نهودیرشو(۳۹) هیوادونو تش په نامه ائتلاف د ایران د اسلامی جمهوریت پرضد جوړ شوی دی او دپاکستان حکومت په دې هکله له پارلمان سره هیڅ سلامشوره نه ده کړی .
دپاکستان دپوځ دپخوانی مشر راحیل شریف لخوا دسعودی عربستان تر مشرۍ لاندې دجعلی ائتلاف دمشرۍ دمنلو په وجه په هیواد او خارج کښې یوشمیر مخالفتونه رامینځته شوی دی .
دپاکستان دحکومت مخالفو سیاسی ګوندونو دعربستان ترمشرۍ لاندې پوځی ائتلاف کښې د اسلام اباد د شاملیدا په اړه اعتراض کړی او ویلی دی چې دغه ائتلاف به دمسلمانو هیوادونو ترمینځ فرقه ای جنګونه زیات کړی .
دایران اسلامی جمهوریت له مخکې څخه ددغه ائتلاف په اړه خپلې اندیښنې څرګندې کړی او هغه یې دتهران پرضد اقدام بللی دی .
سعودی عربستان عربستان په ټولو اسلامی هیوادونو کښې دترهګرو ډلو جوړونکی او مالی مرسته کونکی هیواد دی .