دپاکستان پولیسو ۱۸۰ کروندګر نیولی .

زمونږخبریال وایی د پاکستان په پلازمینې اسلام اباد کښې د پولیسو او د کرونده ګرو ترمینځ په اخ و ډب کښې یوسل اتیا (۱۸۰)کروندګر نیول شوی .

داسلام اباد په ډی چوک کښې له یوې خوا دکاڼو ګوزارونه کیدل او له بلې خوا پولیسو اوښلن ګازونه  شیندل او خلک یې په سوټیو سره وهل .

په اسلام اباد کښې د کروندګرو او د پولیسو ترمینځ په شخړې کښې د پولیسو دیوه(۱) لوړرتبه افسر ډی ایس پی په شمول شپږ(۶) کسان  ژوبل شوی او دغه راز یو شمیر  مظاهره چیان هم زخمی شوی دی .

مظاهره چیانو وویل مونږ دکروند ضد بودجه نه منو او که چیرې   د خزانې  وزیر اسحاق ‌ډار مونږ وژنی نو باید په سړکونو کښې مو ووژنی .

دپاکستان دغو مظاهره کونکو کروندګرو وویل په کلنۍ بودجې کښې وړاندیزونه کیږی خو عمل ورباندې نه کیږی .

هغوې وویل  دپاکستان په حکومت کښې د کروندګرو لپاره سیاستونه هغه کسان جوړوی چې د کرهڼې په هکله هیڅ معلومات نلری .

دپاکستان کروندګرو په کرهڼې او زمیندارې د مالیاتو او ټیکسونو دختمولو او د شیانو  دبیو د ټاکلو غوښتنه وکړه .