پاکستان په افغانستان کښې دهند سیاسی او پوځی رول نه منی

تسنیم خبری اژانس وایی دپاکستان لومړی وزیر شاهد خاقان عباسی وویل اسلام اباد به هیڅکله په افغانستان کښې دهندوستان سیاسی او پوځی رول ونه منی .

هغه دامریکا د بهرنیو اړیکو دشورا په غونډې کښې وویل اسلام اباد له افغانستان سره دهندوستان  له مالی مرستو سره مشکل نلری خو هیڅکله به په افغانستان کښې د نوی ډیلی له سیاسی او پوځی رول سره موافقت ونکړی .

دپاکستان لومړی وزیر شاهد خاقان عباسی وویل په افغانستان کښې د هندوستان پوځی اوسیاسی رول حالات پیچلی کړی دی او هیڅ مشکل نه حل کوی .

هغه په افغانستان کښې دنوی ډیلی داقتصادی رول په اړه هم وویل داقتصادی رول لرل په  هند پورې اړه لری .

دپاکستان دلومړی وزیر شاهدخان عباسی دغه څرګندونې په داسې حال کښې شوی دی چې مخکې د امریکا ولسمشر ټرمپ دافغانستان  او دجنوبی اسیا په اړه دنوی ستراتژۍ داعلانولو په وخت له هندوستان غوښتی وو چې په افغانستان کښې زیات رول ولوبوی .