پاکستان له دوستو او ګاونډیانو مرستې ترلاسه کوی

زمونږ خبریال وایی د پاکستان لومړی وزیر عمران خان وویل د اسلام اباد لپاره د پیسو له نړیوال صندوق ایی ایم ایف (International Monetary Fund) څخه زیات له ګاونډیو هیوادونو د مرستې ترلاسه کول لومړیتوب لری .

عمران خان وویل امکان شته چې پاکستان د هیواد په اقتصادی مسائیلو د غور لپاره د پور د ترلاسه کولو لپاره د پیسو نړیوال صندوق ته مراجعه وکړی خو لومړۍ به هڅه وکړی دغه مرستې له خپلو دوستو او ګاونډیو هیوادونو ترلاسه کړی .

هغه وویل پخوانی حکومت د پاکستان د نن  ورځې د اقتصادی مشکلاتو مسول دی او نوی حکومت به هڅه وکړی هغه په میلیارډونو ډالر چې د پخوانی لومړی وزیر نوازشریف د کابینې د غړو لخوا په خارجی هیوادونو کښې ساتل شوی دی هیواد ته بیرته ستانه کړی .

دپاکستان لومړی وزیر عمران خان په خپلو څرګندونو کښې د پورونو او د مرستو  د ترلاسه کولو لپاره دکومونو هیوادونو نومونه وانه خیستل او نه یې کوم جزیات وړاندې کړل .