په پاکستان کې د هندوستان د شارژدافیر احضارېدا
د پاکستان خارجه وزارت په اسلام اباد کې د هندوستان شارژدافیر احضار کړ.
د پاکستان د خارجه وزارت د یوې بیانیې په صادرولو سره اعلان وکړ چي د کشمیر په کنټرول لاین کې د اوربند څخه د هندي ځواکونو د سرغړونې او ملکي وګړو د وژلو په خاطر د هندوستان شارژدافیر احضار کړ.
د پاکستان د بهرنیو چارو د وزارت د جنوبي اسیا مسئول زاهد حفیظ چوهدری د هندي ځواکونو له خوا د عامو وګړو پر کورونو د ډزو په غندلو سره د هندوستان څخه وغوښتی چي اوربند باندې پایبنده پاتي شي.
د هندوستان سرحدي خواکونو د کشمیر د کنټرول پر لاین باندې د داغ بهار په سیمه کې پر خلګو ډزې کړې چي د امله یې یو ملکی وګړی وژل شوي او ۶ نور ټپیان شوي دي.
هند او پاکستان په ۲۰۰۳ میلادي کال کې د کشمیر پر کنټرول لاین باندې د ډزبندۍ موافقه لاسلیک کړه خو د هغې راهیسي دواړو لورو په ځلونو یو بل په تېروتنو تورن کړې.
د خبر پای/.
