یو آیت
د خدای تعالی د هیرولو ټولنیزې پایلې
د خدای تعالی جل جلاله هیرول، د ځان د هیرولو او د ټولنې د اخلاقي سقوط پیل دی. د سوره نساء ۱۳۱ هیواد خبرداری ورکوي چې له خدای سره د معنوي اړیکې پرې کول د فردي بې درکه کیدو او ټولنیز فساد لامل کیږي.
قرانِ کریم د الهي لارښود په توګه د عبادي مسائلو پر بیانولو سربیره ټولنیزو موضوعاتو ته هم پاملرنه کړې او د ټولنې د سلامتیا او تعادل د ساتنې لارې چارې وړاندې کوي. یو ډیر مهم اجتماعي ټکی چې قرآن پرې ټینګار کوي، له خدای تعالی سره د انسان معنوي اړیکه او په فردي او ډله ایز کړچار یې اغیزه ده. د سوره حشر۱۹مبارک آیت په ځانګړې توګه خبرداری ورکوي چې د خدای هیرول او ورسره د اړیکې غوڅول، نه یوازې د فردي ګمراهۍ بلکې د ټولنیز فساد لامل کیږي.
"وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ أُولَئِكَ هُمُ الْفَاسِقُونَ؛
«او د هغو کسانو په شان مه کیږئ چې خدای یې هیر کړ او خدای هم، هغوي په خپل حال پریښودل، هغوي د فاسقانو په شان دي».
دا آیتِ شریف د انسانانو په ټولنیز ژوند کښې یو ډیر مهم حقیقت ته اشاره کوي یعنې د خدای او د الهي ارزښتونو هیرول، په ټولنه کښې د خپلو حقوقو او انساني حقوقو د هیریدو لاره هواروي. کله چې یو کس یا ټولنه، خدای هیر کړي، اخلاقي ارزښتونه او معنویت یې له مینځه ځي او په نتیجه کښې هر کس یوازې په خپلو شخصي او نفساني ګټو پسې ځي. دغه حالت، د نورو حقوقو ته بې پامي او خودغرضي راوړي چې آخر په ټولنه کښې د فساد او ګډوډي سبب کیږي.
همداشان دا ټکی مطرح کوي چې «د خدای هیرول» له خدای تعالی سره د معنوي او عبادي اړیکې د غوڅولو په معنا دي چې لامل کیږي انسانان غودغرضه او بې رحمه کیږي. په بله وینا، د خدای ورکول د اخلاقي وجدان او شناخت د هیرولو برابر دي.
دغه ټولنیز نظره، دا مبارک آیت ټولو ته یو خبرداری دی چې له خدای تعالی سره د معنوي اړیکې ساتل نه یوازې د فردي ودې لپاره بلکې په ټولنه کښې د سلامتیا او عدالت د ساتنې لپاره ضروري دي. کومه ټولنه چې خدای هیروي، خپل اخلاقي او انساني اصولو له لاسه ورکوي او د بې انصافۍ او ظلم به لور ځي.
