د افغانستان د فوټبال لوبډلې تمرینات پیل کړل
Nov 02, 2023 16:34 Asia/Kabul
د افغانستان د فوټبال د ملي لوبډلې تمرینات پرون په کابل کې د فوټبال د کورنیو لوبغاړو او په ایران کې د مېشتو لوبغاړو په شتون سره پیل شول.
د افغانستان د فوټبال د ملي لوبډلې تمرینات پرون په کابل کې د فوټبال د کورنیو لوبغاړو او په ایران کې د مېشتو لوبغاړو په شتون سره پیل شول.
د فوټبال فدراسیون خبر ورکړی، هغه لوبغاړي چې له افغانستانه بهر بوخت دي په قطر کې به د لوبډلې د تمرین له پړاو سره یوځای شي .
دغه تمرین د مشر روزونکي پرته او د علي احمد یارزاده تر څارنې لاندې ترسره شو.
د افغانستان د فوټبال فدراسیون د ملي لوبډلې د کوېټي روزونکي عبدالله المطیري له ګوښه کېدو او په لوبډله کې له ګډوډیو وروسته تر اوسه په رسمي ډول نوی مشر روزونکی نه دی اعلان کړی.
ټیګونه
