فرانسه:
پوتین سره له مذاکراتو سره د زلنسکي مخالفت ناسمه پرېکړه ده
د فرانسې ولسمشر، د روسیې له ولسمشر ولادیمیر پوتین سره، له خبرو اترو څخه د اکراین د ولسمشر ولادیمیر زلنسکي سرغړونه یوه تلواري او افراطي پرېکړه بللې ده.
د ایرنا له راپور سره سم، د فرانسې ولسمشر امانوئل ماکرون د مصر په شرم الشیخ کې د اقلیمي بدلونونو په هکله د ملګرو ملتونو په غونډه کې وویل: زما په اند اوسمهال باید له افراطي او تلواري شرطونو له وړاندې کولو څخه ډډه وشي.
هغه زیاته کړه: مونږ له اکراین څخه ملاتړ کوو لیکن دغه جنګ نه تودوو، د نړیوالو قوانینو د بیا راستنېدو په لړ کې له سولي څخه دفاع کوو.
د فرانسې ولسمشر جوته کړه: بلاخره د مذاکراتو مېز ته راستنېدل ضروري ده، لیکن دا هغه مهال او په هغه صورت کې کېدونکې ده چي اکراین د خبرو پریکړه وکړي.
له دې مخکې د روسیې د بهرنیو چارو وزیر سرګئي لاوروف ویلي وه چي د روسیې مشرتابه اکراین په اړه خبرو اترو ته چمتو دي.
هغه یادونه وکړه چی مسکو د دې چمتوالې لري څو د خبرو اترو لپاره د لوېدیځو هیوادونو وړاندیزونو واوري البته د روسیې د ګټو په نظر کې نیولو سره.
