روسیه د هندوستان د خلګو لپاره د اعتماد وړ ملګرې ده

د یوې نظر غوښتنې له مخې، د هندوستان اکثره خلګو روسیه د دې هیواد تر ټولو د اعتماد وړ ملګرې بولي.

د روشیا توډی له راپور سره سم، د یوې نظر غوښتنې له مخې، د هندوستان اکثره خلګ روسیې ته د دوست هیواد په سترګه ګوري او نن سبا روسیه هندوستان ته د تیلو د صادراتو په ډګر کې له سعودي عربستان او عراق څخه مخکې شوې ده.

په دې وروستیو کې د هندوستان خارجه وزیر جایشنکر هم مسکو ته په سفر تللی و چي ورسره سم، د دواړو هیوادونو تر مینځ د اقتصادي راکړو ورکړو د ودې راپورونه خپاره شوي دي.

د نظر غوښتنو له مخې، د هندوستان ۸۳ سلنه وګړې روسیه د خپل هیواد تر ټولو د اعتماد وړ ملګرې بولي او په دې باور دي چي روسیې سره دفاعي اړیکې هندوستان لپاره حیاتي دي.