انګلستان او جاپان موافقه وکړه چې ګډ پوځي مشقونه ترسره کړي
د جاپان لومړي وزیر فومیو کیشیدا چې لندن ته تللی له خپل برتانوی سیال، ریشي سوناک سره له کتنې او خبرو وروسته د دغو تمرینونو د ترسره کولو دوه اړخیز تړون لاسلیک کړ.
د جاپان لومړي وزير لندن ته د خپل سفر په ترڅ کې له خپل برتانوي سيال سره وکتل او له دغه هېواد سره يې د ګډو پوځي مشقونو د ترسره کولو په اړه هوکړې ته ورسېدل.
د جاپان لومړي وزیر فومیو کیشیدا چې لندن ته تللی له خپل برتانوی سیال، ریشي سوناک سره له کتنې او خبرو وروسته د دغو تمرینونو د ترسره کولو دوه اړخیز تړون لاسلیک کړ.
د جاپان د لومړي وزير وياند د لندن تړون د دواړو هېوادونو تر منځ په پوځي او دفاعي همکاريو کې د بدلون نقطه وبلله او ويې ويل، چې د دغه تړون پر بنسټ به يو شمېر جاپاني پوځيان په انګلستان کې د اوکراين د پوځيانو د روزنې په برخه کې ځاى پر ځاى شي.
همدارنګه، انګلستان به دا فرصت ولري چې خپل ځینې عسکرجاپان ته واستوي.
په همدې حال کې د بريتانيا د صدراعظم د دفتر وياند هم وويل: له جاپان سره دفاعي او امنيتي همکاري د دواړو هېوادونو په ګټه او د نړيوال امنيت په لاره کې ده.
