روسیې ته د چین د دفاع وزیر سفر
روسیې ته د چین د دفاع وزیر سفرروسيې او بلاروس ته د چين د دفاع وزير لي شنګفور سفر ښيي چې بېجينګ د اوکراين د کړکېچ د حل لپاره د ډيپلوماسۍ تر څنګ د لوېديځ پر وړاندې د ختيځ د ځواک د پياوړتيا سياست هم په جدي توګه تعقيبوي.
روسیې ته د چین د دفاع وزیر سفرروسيې او بلاروس ته د چين د دفاع وزير لي شنګفور سفر ښيي چې بېجينګ د اوکراين د کړکېچ د حل لپاره د ډيپلوماسۍ تر څنګ د لوېديځ پر وړاندې د ختيځ د ځواک د پياوړتيا سياست هم په جدي توګه تعقيبوي.
حقيقت دا دی چې چين او روسيې په وروستيو کلونو کې د لويديځ پر وړاندې د یوالي تګلارې په چوکاټ کې په بېلا بېلو برخو کې د پام وړ پرمختګ کړی دی.
د دواړو هېوادونو ترمنځ همکاري يوازې په پوځي او امنيتي برخو کې نه ده، بلکې د اقتصاد، سياست، ډيپلوماسۍ، کلتور، ساينس او ټکنالوژۍ او د عامې روغتيا په برخو کې هم ډېره انعطاف منونکې، هراړخيزه او په ځينو مواردو کې ډېره توجه لري.
په همدې حال کې لوېدیځ فکر کوي چې د بیجینګ او مسکو ترمنځ د ځینو ستراتیژیکو اختلافونو له امله به د دواړو خواوو اړیکې نازکې پاتې شي، خو پر روسیې او چین د لویدیځ بندیزونه او پر مسکو او بیجینګ باندې د امریکا او اروپايي هېوادونو د فشارونو شدت او په پای کې د لویدیځ له لوري د اوکراین کړکېچ د چین او روسیې ترمنځ د ستراتیژیکو اړیکو د ټینګښت په لور حرکت ګړندی کړی دی.
د دغه سفر په اړه د نړیوالو چارو کارپوه لي کاتی وايي: امریکا او لویدیځ دا تصور نه کاوه چې چین او روسیه به خپل ځینې توپیرونه له پامه غورځوي او د هراړخیزو همکاریو د پراختیا او ژورتیا لاره به غوره کړي.
له همدې امله امريکا او اروپايي هېوادونو په تېره بيا د اوکراين له کړکېچ وروسته له روسيې څخه د چين د جلا کېدو لپاره پراخې هڅې وکړې، چې کومه پايله يې ورنکړه.
په همدې حال کې هغه څه چې له چین سره د لویدیځ د ناخوښۍ لامل ښکاري، د اوکراین په کړکېچ کې له روسیې سره د بیجینګ لاس وهنه ده، چې امریکا او اروپايي هېوادونه یې په دې برخه کې مغشوش کړي او پر چین یې تورونه پورې کړي چې د اوکراین په جګړه کې له روسیې سره مرسته کوي.
د چين د ملي ولسي کانګرس د دايمي کميټې د پخواني رئيس لي ژانشو په وينا، چين په بشپړه توګه د خپلو ملي منافعو د ساتنې په موخه په اوکراین د مسکو اقدامات څاري او وروسته مرسته کوي.په همدې حال کې لوېدیځ په تېره بیا امریکا له روسیې سره د چین هراړخیز ملاتړ د روسیې پر وړاندې د خپلو بندیزونو د ناکامېدو یو لامل ګڼي.
د نړیوالو چارو کارپوه هی سنګ تسو وايي: لوېديځ هيله درلوده چې پر روسيې بنديزونه به دغه هېواد د اوکراين په کړکېچ کې په ګونډو کړي، نه يوازې دا چې داسې ونه شول، بلکې ختيځې جبهې د لوېديځ پر وړاندې د خپلو اړيکو او پوځي دريځ په پياوړي کولو سره په عملي توګه وښودله چې مقاومت کولای شي.
هغه زیاتوي، لویدیځ باید هر ډول جبر او تیري ودروي او هغه لګښتونه چې د اوکراین په جګړه کې مصرفوي، د اروپايي هېوادونو په وګړو کې عامه افکار د حکومتونو پر ضد را پارولي دي.
په هرصورت، روسیې ته د چین د دفاع وزیر سفر دا ښیي چې د مسکو او بیجینګ ترمنځ د اختلافاتو د رامنځته کولو او له روسیې څخه د چین د لیرې کولو لپاره د لویدیځ په ځانګړې توګه د امریکا هڅې نه یوازې کار نه دی کړی، بلکې اړیکې یې پیاوړې کړې دي.
داسې برېښي چې له لوېديځ څخه ختيځ ته د واک د غځېدو له واقعيت سره، امريکا د خپل نړيوال پاور ځواک له لاسه ورکولو له امله اندېښمنه ده، چې دا پروسه په حقيقت کې پيل شوې ده.
د امريکا له نظره، چين له روسيې سره د خپلو اړيکو په ټينګولو سره لويديځ ته په ستراتيژيکو برخو کې خنډونه رامنځته کولای شي.
په سیمه ایزو او نړیوالو تبادلو کې د ډالر د موقف کمزوری کیدل، په نړیوالو پرمختګونو او اړیکو کې د ختیځ د موقف د پیاوړتیا ترڅنګ، د امریکا نړیوال دریځ نور هم کمزوری کوي، له همدې امله روسیې ته د چین د دفاع وزیر سفر نور هم مهم دی.
