د روسیې د ولسمشر لخوا پر لویدیځو هېوادونو نیوکې
د روسیې ولسمشر د لوېدیځ شتمني د بې عدالتۍ پر بنسټ ګڼي.
د روسیې ولسمشر د لوېدیځ شتمني د بې عدالتۍ پر بنسټ ګڼي.
د ایرنا د راپور له مخې د روسیې ولسمشر ولادیمیر پوتین د جمعې په ورځ د سنټ پیترزبورګ په نهمه نړیواله کلتوري غونډه کې وویل د لویدیځې نړۍ شتمني د بې انصافۍ، د استعمار او غلامۍ په میراث کې ده.
پوتین د روسیې د کلتور د له منځه وړلو لپاره د لوېدیځ هڅو ته په اشارې سره وویل، دا ډول کړنې له ناکامۍ سره مخ دي او دا ډول سیاست یې د کلتور ضد او توکمپالنه ګڼلې ده.
هغه دغه راز د څو قطبی نړۍ نظریه غوره وبلله او زیاته یې کړه: روسیه د څو قطبی نړۍ د جوړولو لپاره همکارۍ ته چمتو ده.
پوتین د خپلې وینا په یوه بله برخه کې ټینګار وکړ: په غزه کې دا مهال وحشتناکې پېښې رامنځته کېدونکي دي.
د روسیې ولسمشر په غزې کې اوسنیو حالاتو ته په اشارې سره وویل چې په دې سیمه کې د بیارغونې د پروژو د پیل لپاره مناسب شرایط نشته.
د سينت پيترزبورګ نهمه نړيواله کلتوري غونډه د پنجشنبې په ورځ په دغه ښار کې د ملګرو ملتونو د کلتوري فورم په شعار سره پرانيستل شوه.
په دغه درې ورځنۍ غونډه کې د ایران د اسلامی جمهوریت او د څه د پاسه څلویښتو نورو هیوادونو استازی ګډون لري.
