په سوېډن کې د فلسطین په ملاتړ کې لاریون شوی

د سوېډن په ګوتنبرګ ښار په زرګونو کسانو له غزې څخه په ملاتړ کې لاریون کړی دی.

د المیادین له راپور سره سم، مظاهره کوونکو د فلسطین د بیرغ په رپولو سره، په غزې کې د صهیونیست رژیم د جنایاتو په غندنه کې شعارونه ورکړي دي.

په سوېډن کې لاریونوالو د عامه وژنو او د فلسطینیانو د نسل د ختمولو په جرم باندې د صهیونیستي چارواکو د محاکمې غوښتونکي شول.

دا مظاهرې په داسي حال کې تر سره کیږي چي په اکثرو اروپایي هیوادونو کې له فلسطین څخه په ملاتړ کې لاریون ممنوع ګرځول شوی دی.