د عربستان او قطر ترمینځ اختلافات د هواري وړ دي
د ترکیې د ولسمشر ویاند ټینګار وکړ: سعودي عربستان له قطر سره رامینځته شوی کړکیچ هوارولی شي.
ټرینډ خبري آژانس لیکلي چې ابراهیم کالین پرون وویل: انقره نیت لري چې په فارس خلیج کښې د عربي-عربي کړکیچ د هواري لپاره ځینې واسطې او مینځګړي پيدا کړي.
د کالین په وینا، ټاکل شوې چې د ترکیې ولسمشر رجب طیب اردوغان د فارس خلیج د سویلي څنډې د عربو هیوادونو ترمینځ د رامینځته شوې کشالې د هواري په موخه له خپل امریکايي همرتبه ډونلډ ټرمپ سره ټیلیفوني خبرې وکړي.
د عربستان او قطر ترمینځ رامینځته شوي کړکیچ د هواري په موخه د ترکیې د بهرنیو چارو وزیر مولود چاوش اوغلو هم پرون قطر ته تللی دی.
عربستان چې په سیمه کښې له ترهګرو ډلو د ملاتړ اصلي تورن هیواد دی، له قطر سره د خپلو اړیکو د غوڅولو علت یې له تندلارو ډلو د دغه هیواد حمایت اعلان کړی دی.
دا کشاله ریاض ته د امریکې د ولسمشر ډونلډ ټرمپ له سفه څو ورځې وروسته رامینځته شوې ده.
