دترکیې ولسمشر ایران مهم هیواد وباله .

ایرنا خبری اژانس وایی دترکیې ولسمشر رجب طیب اردوغان دایران اسلامی جمهوریت په مینځنی ختیځ کښې مهم او اغیز شیندونکی هیواد وباله او ویې ویل دایران له ګډون پرته دسیمې کړکیچونه نشی حل کیدلای .

دپرتګال ار پی ټی ټیلی ویژن په یوې مرکې کښې چې دترکیې له ولسمشر رجب طیب اردوغان سره یې کړې ده له نوموړی   دغه پوښتنه وکړه ایا په سیمه کښې تاسو کولای شئ دایران له ګډون پرته دسوریې او د عراق کړکیچونه حل کړئ ؟ نو رجب طیب اردوغان په ځواب کښې وویل طبیعی خبره ده چې دایران له ګډون پرته ددغودوو(۲) هیوادونو کړکیچونه نشو حل کولای بلکې دایران شتون دسیمې د کړکیچونو د حل په چوکاټ کښې زیاته ګټه لری .

دترکیې ولسمشر رجب طیب اردوغان وویل دایران په ګډون سره د سوریې او دعراق کړکیچونه حل کیدلای شی .

هغه د ایران او دترکیې ځینو اختلافاتو ته په اشارې سره وویل زه باوری یم چې تهران او انقره کولای شی  په خبرو سره اختلافات  حل کړی او د سیمې د کړکیچونو لپاره حل لاره پیدا کړی .