عربستان دې د قطر خلاف د خپلو تورونو اسناد وړاندې کړي
د ترکیې خارجه وزیر ټینګار وکړ چې پر قطر لګیدلي تورونه باید په برابره فضا کښې او په خبرواترو او احترام سره حل شي.
د ترکیې د بهرنیو چارو وزیر مولود چاووش اوغلو وویل: مونږ له عربستان او د هغه له انډیوالانو غواړو چې د قطر خلاف د تورونو اسناد او مدارک وړاندې کړي څو په جزئیاتو باندې یې په خبریدو سره دا کړکیچ په خبرواترو سره او په سوله ایزه توګه هوار شي.
د ایرنا د خبر له مخې چاووش اوغلو په اسکوپيه کښې د مقدوینې له خارجه وزیر نیکولا دمیتروف سره له کتنې وروسته زیاته کړه: د فارس خلیج د سیمې روان کړکیچ، د قطر خلاف د مطرح شویو تورونو په هکله د جزئیاتو، اسنادو او مدارکو له وړاندې کیدو وروسته د خبرواترو له لارې په سوله ایزه توګه هواریدی شي.
هغه څرګنده کړه چې د عربستان او د فارس خلیج سیمې د څو نورو هیوادونو لخوا په قطر باندې یولړ تورونه لګیدلي دي خو د قطر حکومت دغه تورونه په کلکه رد کړي او مونږ هم د دغه هیواد خلاف د لګیدلې محاصرې په غندلو سره هغه ناسمه ګڼو خو دا د قطر د پلویتوب او پرې په معنا نه ده.
د ترکیې خارجه وزیر ټینګار وکړ چې پر قطر لګیدلي تورونه باید په برابره فضا کښې او په خبرواترو او احترام سره حل شي.
