سعودی عربستان دسیمې لپاره ستر خطر دی
-
په یمن دسعودي عربستان په حملو او بمباریو کښې په لسګونو زره بې ګناه خلک مړه او ژوبل شوي او دهیواد بیخ بنایي تاسیسات تباه شوي
زمونږخبریال وایی دیمن د انصار الله ولسی غورځنګ ویندوی محمد عبدالسلام بیګا وویل ال سعود رژیم دسیمې د امنیت او ثبات لپاره ترټولو ستر خطر ګڼل کیږی .
هغه د سعودی عربستان د ال سعود رژیم له تیریو سره په مقابلې ټینګار سره د دغه هیواد د ولسی کمیټیو او دپوځ د توغندوی سیسټم د پیاوړتیا غوښتنه وکړه .
محمد عبدالسلام دیمن له ولسی کمیټیو او د پوځ د توغندیو د برخې له ځواکونو وغوښتل دخپل توغندوی توان په پیاوړی کولو سره ددښمن په مرکزونو حملې وکړی .
دیمن دانصار الله ولسی غورځنګ ویندوی محمد عبدالسلام دغه راز په دې خبرې سره چې په قاهرې کښې دعربو اتحادیې خپره شوی بیانیه د منلو وړ نه ده وویل د یمن ولسی کمیټیانې او پوځ به د جنګ په ډګر کښې دعربو هیوادونو دغه بیانیې ته ځواب ورکړی .
سعودی عربستان د امریکا، متحده عربی اماراتو او د څو نورو هیوادونو په مرستې سره له ۲۰۱۵ میلادی کال راهسې په یمن حملو او دغه راز ځمکنۍ ، سمندری اوهوایی کلابندۍ ته دوام ورکړی دی .
په یمن دسعودی عربستان په حملو او بمباریو کښې په لسګونو زره بې ګناه خلک مړه او ژوبل شوی او دهیواد بیخ بنایی تاسیسات تباه شوی .
