لبنان دهیڅ خارجی او عربی هیواد قیمومین نه منی

زمونږخبریال وایی د لبنان دحزب الله د مشر مرستیال شیخ نعیم قاسم وویل په خپل هیواد به دهیڅ خارجی یا عربی هیواد قیمومیت ونه منی .

هغه پرون وویل په  سیمه په تیره بیا په سوریې ، عراق  او لبنان کښې د اوسنیو مشکلاتو او کړکیچونو مخکې زمینې ته په  کتنې سره به روښانه شی سعودی عربستان د امریکا او اسرائیلو په ملګرتیا او غږملتیا سره ددغو کړکیچونو شاته ولاړ دی .

نعیم قاسم وویل د سعودی عربستان ، امریکا او داسرائیلو ائتلاف د تکفیری ترهګرۍ ملاتړ کوی او په بمباریو سره دیمن خلک وژنی او عربستان دغه راز د اسرائیلو د ګټو او دقدس له نیواکګر رژیم سره د اړیکو د ټینګولو په چوکاټ کښې د فلسطین دایډیل د له مینځه وړلو کوشش کوی .

دلبنان دحزب الله دمشر مرستیال شیخ نعیم قاسم  دسوریې او د عراق د ورانولو په هدف سره په دغو دوو(۲) هیوادونو کښې له داعش ترهګرې ډلې د سعودی عربستان ملاتړونو ته په اشارې سره وویل ال سعود به هیڅکله ونه توانیږی عراق او سوریه او یمن تر خپلې سلطې لاندې ورولی .

شیخ نعیم قاسم  په دې خبرې ټینګار سره چې سعودی عربستان په ایران کښې داسلامی انقلاب دبریالیتوب له وخت راهسې دتهران پرضد دسیسوته دوام ورکړی دی وویل ال سعود رژیم د لبنان تباه کیدل غواړی خو د ولسمشر میشل عون په عقلمندۍ او د لبنان دډلو په پیوستون سره د لبنان پرضد دسعودی عربستان تیریګره پروژه ناکامه شوه .

هغه وویل حزب الله غورځنګ  د اسرائیلو دنیواکګرۍ  په وړاندې د مقاومت دلارې ډیوه او دلبنان دقدت د انډول نه جلاکیدونکی برخه ده  

.