امریکا دایران پرضد له اقداماتو لاس واخلی

د روسیې دبهرنیو چارو وزیر سرګی لاوروف دامریکا په چارواکو غږ وکړ چې له ایران سره په چلند کښې د خطرناکو ، تنګ نظره او لمسونکو اقداماتو له دوام څخه لاس واخلی چې د سیمې حالات نور کړکیچن نشی .

لاوروف د جرمنی له رینیشی پوسټ(Raynishe post) ورځپاڼې سره په مرکه کښې په دې خبرې ټینګار سره چې ماسکو دهیڅ هیواد د تمې په خاطر له تهران سره خپله ملګرتیا نه غوڅوی وویل د ایران په ارتباط د تاوتریخوالی زیاتول د امریکا د خطرناکې کړنلارې نتیجه ده او دغه سیاست په فارس خلیج سیمه کښې د حالاتو دجدی خرابیدا سبب شوی دی .

د روسیې دبهرنیو چارو وزیر سرګی لاوروف ډاګینه کړه په ټولو سویو په خپلو تماسونو کښې په کلکه دامریکا له لورو غواړو له هر هغه اقدامه چې دایران په ارتباط حالات نور پسې کړکیچن کوی ډډه وکړی  چې د اټومی موافقې د پایداره اجرا حالت ته ورستانه شو .