روسیې د ایران په هکله د امریکا دریځ وغاند
ایرنا خبری اژانس وایی د روسیې د بهرنیو چارو د وزارت ویاندې میرمنې ماریا زاخارووا د ایران د خلکو د ملاتړ په هکله د امریکا د خارجه وزیر مایک پمپئو څرګندونې له دوکې ډکې وبللې .
هغې په ایران کښې د بلواګرو په ملاتړ کښې د امریکا د خارجه وزیر مایک پمپئو د دریځ په اړه وویل د امریکا چارواکی له یوې (۱) خوا ادعا کوی چې د ایران د خلکو د ارزوګانو ملاتړ کوی او له بلې خوا د ایران دخلکو د کړاو د زیاتولو لپاره هرکار ترسره کوی .
په ایران کښې د پیټرولو د بیو د اصلاح د پلان په اجرا کیدا سره له تیرې جمعې ورځې راهسې د خلکو سوله ایز اعتراضونه د ځینو لوفرو او بدمعاشانو په ناوړه استفادې سره له لارې ووتل او تاوتریخجن شول .
امریکا په لاسوهونکی بیانیې کښې د ایران پرضد د چټی ادعاګانو په تکرارولو سره د یو(۱) محدود شمیر بلواګرو چې د پیټرولو د بیو د زیاتیدا په پلمه یې د هیواد په څو ښارونو کښې د بې نظمۍ په رامینځته کولو سره عمومی ځایونو ته تاوان ورسوه ملاتړ وکړ .
له بلې خوا د اسلامی ایران خلکو په تیرو څو ورځو کښې په بیلابیلو ښارونو کښې د سترو لاریونونو په ترسره کولو سره د بلواګرو کسانو اقدامات وغندل .
د ایران دخلکو په ملاتړ کښې د امریکا له دوکې ډک سیاست په داسې حال کښې دی چې واشنګټن په تیرو څلویښتو (۴۰) کلونو کښې د اقتصادی ترهګرۍ په چوکاټ کښې د ایران د خلکو په ژوند او سلامتیا ګوزار کړی دی .
