د ایران د کلتوري انقلاب عالي شورا:
د هندوستان د مسلمانانو د وژلې خلاف دې دفاعي اقدامات وشي
د ایران د کلتوري انقلاب عالي شورا د هندوستان د مسلمانانو د وژلې په غندلو سره د دغو جنایتونو خلاف د پریکنده او دفاعي غبرګون په ضرورت ټینګار وکړ.
د ایران د کلتوري انقلاب د عالي شورا د دارالانشاء په پیغام کښې راغلې دي: په داسې وخت کښې چې نړیواله ټولنه له کرونا نومې پراخې ناروغۍ سره لاس او ګریوان ده، د تندلاریتوب او د هندوستان له مسلمانانو سره د ګُزارې نه کولو ناروغۍ د نړۍ د مسلمانانو احساس ژوبل کړی دی.
د هندوستان مسلمانانو د دغه هیواد د ټولنې د یوې برخې په توګه چې د تاریخ په اوږدو کښې یې د هند له نورو پرګنو سره د ګډ صلحه ایز ژوند په ترڅ کښې د برصغیر د تمدن په تاریخ کښې ستر رول لوبولی دی، د دغه هیواد د تابعیت په قانون باندې په اعتراض کښ ېیې د یو مدني اعتراض په چوکاټ کښې غبرګون ښودلی دی خو د تندلارو هندوانو له قهرجن او خونړي ځواب سره مخامخ شوې دي.
په دغه پيغام کښې ټینګار شوی، دا څه چې نن سبا د هندوستان د پيښو په هکله د نړۍ په رسنیو کښې خپریږي، بې شکه چې د یوې نسل وژنې او د انسانیت خلاف د جنایت نښه ده چې په وړاندې یې د ملګرو ملتو، امنیت شورا او نورو مسئولو نړیوالو ارګانونو مناسب غبرګون ضروري دی او خپله ټوله وړتیا دې د دغو جنایتونو د بندولو لپاره وکاروي.
