له افغانستان او عراق څخه د امریکا یوشمیر عسکر وځي
فارس خبري اژانس وايي د امریکا د دفاع وزارت سرپرست کریسټوفر میلر (Christopher Miller) له عراق او افغانستان څخه د واشنګټن د یوشمیر ترهګرو عسکرو د ایستلو خبر ورکړ .
هغه بیګا وویل له عراق او افغانستان څخه د امریکا یوشمیر عسکر ایستل کیږي او زیاته یې کړه چې په عراق کښې د واشنګټن د عسکرو شمیر له درې زره دوه سو(۳۲۰۰) څخه دوه زره پینځه سوه (۲۵۰۰) ته کمیږي .
د امریکا د دفاع وزارت سرپرست کریسټوفر میلر زیاته کړه په افغانستان کښې به هم د واشنګټن دعسکرو شمیر دوه زره پینځه سوه (۲۵۰۰) ته کم شي .
حاضردمه په افغانستان کښې د امریکا څلور زره او پینځه سوه (۴۵۰۰) عسکر شته .
د امریکا د دفاع وزارت سرپرست وویل په عراق او افغانستان کښې د عسکرو د شمیر کمول به د راتلونکي میلادي کال د جنورۍ د میاشتې تر پینځلسمې (۱۵)نیټې پورې ترسره شي .
د عراق اکثره خلک او سیاسي ګوندونه د امریکا د ترهګرو عسکرو د وتلو غوښتونکي دي او پارلمان هم د دغو پوځیانو د ایستلو پلان تصویب کړی دی .
