ټرمپ ته مو ماتې ورکړه

د وینزوئلا ولسمشر نیکولاس مادورو له سپینې ماڼۍ څخه د ټرمپ پر تګ د خوشحالۍ په څرګنډولو سره وایي چې هغه ته یې ماتې ورکړې ده.

مادورو ویلي، ټرمپ یو بې بندوباره او داسې کس و چې په سیاست یې سر نه خلاصېده او ټولې پرېکړې یې د خپلو شخصي ګټو لپاره کولې.

د ونزوئلا د ولسمشر په وېنا له همدې امله ټرامپ د امریکا دریځ په نړیواله کچه زیانمن کړ او له نړۍ سره یې د دغه هېواد روابط وځپل.

 نوموړي هیله څرګنده کړې چی د امریکا نوی ولسمشر د سیاست له اوږدې تجربې څخه په کار اخیستلو سره امریکا بېرته پخواني مسیر ته برابره او له نړۍ سره یې اړیکې له سره ورغوي.