ایران د امریکا په اپوټه له عراق سره مرسته وکړه
فارس خبري اژانس وايي د اروپا د پارلمان د ایرلینډ استازي په ټویټر پیغام کښې ولیکل هغه وخت چې عراق له داعش ډلې سره د مبارزې لپاره د امریکا له حکومت څخه مرسته وغوښتله نو واشنګټن دغه غوښتنه رد کړه خو ایران د عراق مرسته وکړه .
د اروپا د پارلمان د ایرلینډ استازي میک والاس په یوه (۱)ټویټر پیغام کښې داعش ډله په عراق باندې د امریکا د غیر قانوني یرغل نتیجه وبلله .
هغه وویل داعش ډلې د عراق له ورانۍ وروسته چې د امریکا د غیرقانوني یرغل پایله وه وده وکړه او د داعش ډلې اکثره غړي له هغو بندي خانو راغلل چیرې چې امریکا بې ګناه خلک شکنجه کول .
هغه وویل کله چې عراق له داعش ډلې سره د مبارزې لپاره د امریکا له ولسمشر باراک اوباما څخه مرسته وغوښتله نو هغه د بغدا د مرستې دغه غوښتنه رد کړه او ایران له عراق سره مرسته وکړه او په دغه وخت کښې امریکا ، د فارس خلیج عربو هیوادونو او اسرائیلو د سوریې د ورانولو لپاره جهادي ډلو ته وسلې او مرستې ورکړې .
