د تهران د پښتو خپرونې درنو او قدرمنو مینوالو په دې شېبو کې د هیلې رڼا له ننني (۴م) مطلب سره ستاسو په خدمت کې یو، هیله ده د استفادې وړ مو وګرځي.

دا تمه او امید شته چي بشر په خپلې ودې او عقلانیت سره، زده کړي چې یوازې په کلي او هدفمندې لارې کې ګام اخیستل، کولای شي هغه نېکمرغۍ او سعادت ته ورسوي او د دې بدلون او ودې لپاره، ژغورونکي، پوه رهبر، حکیم او فضیلت لرونکي لارښود ته اړتیا لري.

په تېره برخه کې مو له حضرت مهدی عج سره د یو شمېر کسانو د ملاقات په هکله خبرې وکړې او ومو ویل چي دا مبارکه پېښه ډېره کمه او د متعال خدای په اذن او د ځینو مصلحتونو له مخې رامینځ ته شوې ده.

عزیزانو یادونه کوو چي په دغه لړۍ کې به د حضرت مهدی صاحب الزمان عج  د ژوند، قیام، حکومت او د منتظرینو د وظایفو په هکله تاسو سره وږغېږو لیکن له هغه مخې د معدویت په هکله ځینې اعتقادې مسایل وڅېړو.

په تېره خپرونه کې مو دا څرګنده کړه چي د عیسویانو په اسماني دین کې د اخرې زمانې د منجي په ظهور باندې باور ژورې جړې لري، البته په دې ټکې باندې ټینګار کوو چي د مختلفو انجیلونو د شتون د امله چي د حضرت عیسي څخه لسګونه کلونه وروسته لیکل شوي او په کښې یو نیم تحریفات وارد شوي دي، د اخرې زمانې د منجی د ظهور په هکله یو نیم شبهې هم مطرح شوي دي.