Maqedonia e Veriut shpall non-grata 5 diplomatë rusë
Mars 29, 2022 09:44 Europe/Tirane
Maqedonia e Veriut ka shpallur ‘non grata’ pesë diplomatë rusë.
Ditën e sotme në Ministrinë e Punëve të Jashtme është thirrur Ambasadori i Federatës Ruse në vend, Sergei Bazdnikin, të cilit i është dorëzuar notë diplomatike, me të cilën pesë diplomatë nga Ambasada e Federatës Ruse janë shpallur të padëshirueshëm. Autoritetet maqedonase deklarojnë se personat e shpallur “non-grata”, kanë kryer aktivitete në kundërshtim me Konventën e Vjenës për Marrëdhënie Diplomatike. Diplomatët rusë do të duhet të largohen nga territori i Republikës së Maqedonisë së Veriut në pesë ditët e ardhshme.