Martirizohet 6 palestinezë në sulmet e regjimit sionist në veri të Gazës

6 palestinezë ranë dëshmorë në sulmet ajrore të mëngjesit të hershëm të regjimit sionist në veri të Gazës.

 Sipas IRNA nga agjencia palestineze e lajmeve Sama, pesë persona, duke përfshirë tre fëmijë, ranë dëshmorë në bombardimin e një shtëpie banimi në veri të Gazës.

Sipas këtij raporti, një palestinez ka mbetur dëshmor dhe tre të tjerë janë plagosur në sulmin e dronit të regjimit sionist në kampin Xhabalia që ndodhet në veri të Gazës. Sipas Ministrisë palestineze të Shëndetësisë, numri i dëshmorëve në Rripin e Gazës që nga 7 tetori ka arritur në 38 mijë e 11 persona dhe numri i të plagosurve ka arritur në 87 mijë e 445 persona. Gjithashtu, sipas statistikave të Ministrisë së Shëndetësisë së Gazës, që nga fillimi i luftës, në këtë barrikadë kanë rënë dëshmorë 8572 studentë palestinezë, si dhe në Bregun Perëndimor kanë rënë dëshmorë 100 studentë palestinezë. Brutaliteti i regjimit sionist ndaj civilëve palestinezë gjatë nëntë muajve që nga lufta e Gazës ka lënë viktima të rënda, ndërsa të dhënat statistikore tregojnë se shumë prej dëshmorëve nuk kanë arritur as moshën madhore.