Objektivat e udhëtimeve diplomatike dhe ushtarake midis Teheranit dhe Irakut

Njëkohësisht me praninë e Ministrit të Jashtëm Irakian në Teheran, Zëvendës shefi i çështjeve Ndërkombëtare i Shtabit të Përgjithshëm të Forcave të Armatosura të Republikës Islamike të Iranit gjithashtu udhëtoi për në Bagdad dhe u takua me Ministrin Irakian të Mbrojtjes.

Ministri i Jashtëm irakian Fouad Hussein mbërriti në Teheran dje në mëngjes më 26 shtator, për një vizitë dy-ditore, ku u takua me homologun e tij iranian, Muhamed Javad Zarif, si dhe me presidentin Hassan Ruhani.  Gjeneral Brigade Kadir Nezami, Zëvendës Shefi për Çështjet Ndërkombëtare të Shtabit të Përgjithshëm të Forcave të Armatosura të Republikës Islamike të Iranit, gjithashtu udhëtoi sot në Bagdad për t'u takuar me Ministrin irakian të Mbrojtjes Juma Anad për të diskutuar mënyrat për të zgjeruar marrëdhëniet e bashkëpunimit, mbrojtjes, ushtrisë dhe luftës kundër terrorizmit. Pyetja e rëndësishme është cilat janë qëllimet e këtyre udhëtimeve dhe takimeve diplomatike midis zyrtarëve irakianë dhe iranianë? Këto udhëtime duket se kanë të bëjnë me marrëdhëniet dypalëshe nga njëra anë dhe me situatën e brendshme në Irak nga ana tjetër. Kryeministri irakian Mustafa al-Kadhimi udhëtoi në Teheran korrikun e kaluar dhe nënshkroi disa marrëveshje me zyrtarët e Republikës Islamike. Duket se qëllimi më i rëndësishëm i vizitës së Fouad Hussein në Teheran është të ndjekë marrëveshjet e arritura gjatë vizitës së Al-Kazemi. Në të njëjtën kohë, marrëdhëniet Irak-Iran preken nga një aktor shqetësues siç janë Shtetet e Bashkuara. Është gjithashtu e mundur që gjatë vizitës së tij në Teheran Fouad Hussein të përcjellë një mesazh nga Shtetet e Bashkuara ose politika e SHBA në Irak. Vizita e Zëvendës Shefit të departamentit për Çështjet Ndërkombëtare të Forcave të Armatosura të Iranit në Irak lidhet më së shumti me situatën e brendshme në këtë vend, si dhe bashkëpunimin e mbrojtjes midis dy vendeve. Iraku, veçanërisht në muajin e fundit, ka qenë dëshmitar i disa sulmeve ndaj bazave diplomatike të vendosura në këtë vend. Ndërkohë, disa po komplotojnë një skenar për të krijuar një përçarje midis forcave të armatosura dhe qeverisë Irakiane, duke pretenduar se forcat e armatosura po komplotojnë një grusht shteti kundër qeverisë irakiane. Republika Islamike e Iranit jo vetëm që ka dënuar agresionin ndaj ambienteve diplomatike në Irak, por gjithmonë ka theksuar unitetin e brendshëm të Irakut, si dhe bashkëveprimin e grupeve politike, veçanërisht atyre që janë pranë Republikës Islamike, me qeverinë e Bagdadit.  Një çështje tjetër është se një komplot dhe kryengritje e re, duket se po merr formë nga kundërshtarët e stabilitetit të Irakut, në formën e një sulmi ndaj përfaqësive diplomatike dhe krijimin e përçarjeve mes forcave të armatosura dhe qeverisë së Bagdadit. Në këtë drejtim, Shejh Akram al-Kaabi, Sekretari i Përgjithshëm i Lëvizjes së Rezistencës Islamike "Najba" në Irak, lëshoi ​​një deklaratë duke thënë se rezistenca e konsideron agresionin apo sulmin ndaj qendrave diplomatike një shkelje të qartë dhe beson se mbrojtja e këtyre qendrave është e nevojshme. Al-Kaabi theksoi se amerikanët po urdhërojnë mercenarët që i kanë stërvitur dhe pajisur vetë ata të provokojnë opinionin publik dhe të njollosin imazhin e rezistencës duke sulmuar shtëpitë përreth ambasadave. Një tjetër pikë e rëndësishme është se disa elementë të brendshëm në Irak, me mbështetjen e boshtit arab dhe perëndimor, po përpiqen të prishin imazhin e Republikës Islamike të Iranit në qeverinë e Bagdadit. Rrjetet amerikane dhe të Arabisë Saudite Al-Arabiya dhe Al-Hurra kohët e fundit njoftuan për një komplot të organizuar dhe në formë mashtruese pretenduan se Irani, përmes grupeve pranë tij në Irak, po kërkon të rrëzojë qeverinë e al-Kadhimi. Vizitat e fundit diplomatike dhe ushtarake midis dy vendeve kanë për qëllim të prishin këto komplote dhe të forcojnë besimin në marrëdhëniet midis dy vendeve. Në lidhje me këtë, Hisham al-Rakabi, kreu i zyrës së Nuri al-Maliki, deklaroi se pretendimet e Al-Arabiya dhe Al-Hurra janë gënjeshtra të pastra.